सुर्खेत । प्रधानमन्त्री केपी शर्मा ओलीले नेपालको संघीय लोकतान्त्रिक गणतन्त्रको रक्षा र संविधानको प्रभावकारी कार्यान्वयन सरकारको प्रमुख प्राथमिकता रहेको बताउनुभएको छ । कर्णाली प्रदेश सभालाई सम्बोधन गर्दै उहाँले आवश्यकतानुसार संविधान संशोधन गरिने स्पष्ट पार्नुभयो ।
प्रधानमन्त्री ओलीले जनताको संघर्ष र बलिदानको आधारमा निर्माण भएको संविधानले सबै नागरिकलाई समान अधिकार र प्रतिस्पर्धाको अवसर दिएको उल्लेख गर्नुभयो । उहाँका अनुसार संविधान संशोधन कुनै रहर वा व्यक्तिगत लहडको विषय होइन, राष्ट्रिय आवश्यकता अनुरूप गरिने विषय हो । संविधान संशोधनको विषय नेकपा (एमाले) र नेपाली कांग्रेसबीच भएको सात बुँदे सहमतिमा समावेश गरिएको स्मरण गराउँदै प्रधानमन्त्रीले राष्ट्रिय स्वाभिमानसहितको गणतन्त्र स्थापित भएको बताउनुभयो ।
प्रधानमन्त्री ओलीले वर्तमान सरकार स्थिर र भिजनसहित अगाडि बढिरहेको दाबी गर्दै आगामी निर्वाचनसम्मको सहयात्रा कायम रहने प्रतिबद्धता जनाउनुभयो । संसद्मा दुई तिहाइ बहुमत भएकाले देश समृद्धिको यात्रामा अघि बढ्ने उहाँको भनाइ छ ।
प्रधानमन्त्री ओलीले कर्णाली प्रदेशलाई विकासको सुन्दर सम्भावना बोकेको क्षेत्रका रूपमा चित्रित गर्दै विभिन्न महत्वपूर्ण परियोजनाको चर्चा गर्नुभयो । उहाँका अनुसार माथिल्लो कर्णाली जलविद्युत् आयोजना, स्वास्थ्य विज्ञान प्रतिष्ठान, कर्णाली करिडोर, राकम कर्णाली, भेरी बबई डाइभर्सन, दैलेखको पेट्रोल खानी लगायतका परियोजनाहरूको कार्यान्वयन अघि बढाइएको छ ।
प्रधानमन्त्री ओलीले केन्द्र सरकारले प्रदेश तथा स्थानीय सरकारलाई पूर्ण सहयोग गरिरहेको बताउँदै तीनै तहका सरकारबीच सहकार्य आवश्यक रहेको उल्लेख गर्नुभयो । विकासका नाममा अनावश्यक नयाँ योजना घोषणा गर्ने बेथिति हटाउनेतर्फ सरकार सचेत रहेको उहाँको भनाइ छ ।
प्रधानमन्त्री ओलीले सामाजिक सञ्जालमा असभ्य भाषा प्रयोग गरेर नेपाली संस्कृतिलाई कमजोर बनाउने प्रवृत्ति नियन्त्रण गर्नुपर्ने बताउनुभयो । सामाजिक सद्भाव विथोल्ने र नियन्त्रित अस्थिरता ल्याउने प्रयास सफल हुन नसक्ने उहाँको स्पष्टोक्ति छ ।
प्रधानमन्त्री ओलीले समृद्ध नेपाल निर्माणका लागि नीति, योजना र सहकार्यका साथ अघि बढ्न सबै पक्षलाई आह्वान गर्दै थालनी गरिएका कामलाई पूर्णता दिने आफ्नो संकल्प दोहोर्याउनुभयो ।
यो पनि पढ्नुहोस्
आज ११५औँ अन्तर्राष्ट्रिय महिला दिवस मनाइँदैयो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
समता शुल्क फिर्ता भएपछि निजी
वडाध्यक्ष सञ्जय पटेल पक्राउ
पूर्व महानिर्देशक प्रदीप अधिकारीविरुद्ध भ्रष्टाचार
गण्डकीमा ट्राफिक कारबाहीबाट डेढ करोडभन्दा
कीर्तिपुरमा कारभित्र जलेर मृत्यु हुने
बिजुलीमा लगाइएको मूल्य अभिवृद्धि कर