काठमाडौं । यस वर्षको ‘रुद्रराज साहित्य पुरस्कार’ डा.गार्गी शर्मालाई अर्पण गरिएको छ । रुद्रराज साहित्य सेवा समितिले सरदार रुद्रराज पाण्डेको १२५औं जन्मजयन्तीका अवसरमा सोमबार आयोजित कार्यक्रममा शताब्दी पुरुष डा.गौरीशंकर लालदासले उक्त पुरस्कार अर्पण गर्नुभएको हो । पुरस्कारको राशि ५० हजार नगद रुपैयाँ र सम्मानपत्र रहेको थियो ।
यस्तै माध्यमिक शिक्षा परीक्षा (एसइई) मा उत्कृष्ट भानु माविका विद्यार्थीलाई पनि पुरस्कृत गरिएको थियोे । उपन्यास, नाटक, कथा, हास्यव्यंग्यका माध्यमबाट नेपाली भाषा, साहित्य, शिक्षा र समाजसेवामा पाण्डेले उल्लेखनीय योगदान पुर्याउनुभएको छ । उहाँको ‘रूपमती’ उपन्यास पाठकमाझ लोकप्रिय छ ।
समितिका अध्यक्ष बद्रीराज पाण्डे, संरक्षक ई कृष्णराज पाण्डे, महासचिव डा.नील पाण्डे, शताब्दी पुरुष डा.गौरीशंकर लालदास, समितिका सदस्य एवं संस्कृतिविद् डा.गोविन्द टण्डनलगायतले नेपाली साहित्यमा पाण्डेले पुर्याएको योगदानलाई स्मरणीय बनाउन आवश्यक रहेको बताउनुभएको थियो ।
पुरस्कृत व्यक्तित्व गार्गी शर्माले स्वर्गीय पाण्डेको शिक्षा र साहित्यका क्षेत्रमा अतुलनीय योगदान रहेको उल्लेख गर्दै अहिलेका पुस्ताका लागि प्रेरणादायी व्यक्तित्व भएको धारणा राख्नुभएको थियो ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच