झापा । झापाको कमल गाउँपालिका अध्यक्ष हुकुमसिंह राईले प्रधानमन्त्री केपी शर्मा ओलीलाई भेटेर पालिका भित्रका दर्जनौं समस्या राख्नुभएको छ ।
संघीय सरकारलाई गाउँपालिकाको समस्या अवगत गराउन केही दिनअघि काठमाडौँ पुगेका अध्यक्ष राईले बुधबार प्रधानमन्त्री ओलीलाई भेटेर कमलबासीले झेल्दै आएको हात्ती समस्या, रतुवा र कमलखोला कटान, अलपत्र आदिवासी रंगशाला, मंगलबारे बजारको स्तरोन्नति,अधुरो सामुदायिक भवन निर्माण लगायत समस्या राख्नुभएको हो ।
अध्यक्ष राईले आजनै उपप्रधान तथा सहरी विकासमन्त्री प्रकाशमान सिंह र युवा तथा खेलकुदमन्त्री तेजुलाल चौधरीलाई भेटेर मन्त्रालयगत समस्या समाधानका लागि ध्यानाकर्षणसमेत गराउनु भयो । कमल गाउँपालिका प्रधानमन्त्री ओलीको निर्वाचन क्षेत्र झापा ५ मा पर्छ ।
आफ्नै निर्वाचन क्षेत्रका समस्या अध्यक्ष राईले राखिरहँदा प्रधानमन्त्री ओलीले मौन भएर सुन्नुभएको थियाे । प्रधानमन्त्री ओलीले समस्या समाधान गर्न आफूले पहल गर्ने अध्यक्ष राईलाई आश्वासन दिनुभयो । प्रधानमन्त्री ओलीले अध्यक्ष राईलाई आगामी बजेटमा कमलका समस्यालाई विषेश प्राथमिकतामा राख्ने वचन दिनुभयो ।
'हात्ती समस्या समाधानको योजना ध्यानपूर्वक सुनेर प्रधानमन्त्रीले राम्रो प्रस्ताव भन्नुभयो, अध्यक्ष राईले भन्नुभयो,'मैले कमल ३, ४ र ५ का बासिन्दाले भोग्दै आएको हात्ती समस्या, रतुवा र कमल खोलाको कटानको विषयमा प्रधानमन्त्रीको ध्यानाकर्षण गराइएको छु ।'
जंगली हात्तीले कमलमा दैनिक पाँच, सातवटा घर भत्काउने गरेको छ । भण्डारण गरिराखेको खाद्यान्नपात र बालीनाली नष्ट गर्दै आएको छ । यो वर्षमात्रै कमलमा जंगली हात्तीको आक्रमणमा परी चारजनाको ज्यान गएको छ । अध्यक्ष राईले गाउँपालिकाका अधुरा योजना, तटबन्धका लागि रकम विनियोजन गर्न आग्रह गर्नुभयो । रतुवा र कमलले बर्सेनि त्यहाँ सयौं बिघा खेतीयोग्य जमीन कटान गर्दै आएको छ । दर्जनौं घरपरिवार विस्थापित हुने गरेका छन् ।
अध्यक्ष राईले कमल ५ को मंगलबारे बजारको व्यवस्थित विकास र २ को सामुदायिक भवन निर्माण गर्न उपप्रधान तथा शहरी विकास मन्त्री सिंहसँगआग्रह गर्नुभयो । अध्यक्ष राईले युवा तथा खेलकुद चौधरी समक्ष कमल ५ मा निर्माणाधीन आदिवासी रंगशालाको कम्पाउण्ड वाल, प्याराफिट निर्माणका लागि कम्तीमा १० करोड रुपैयाँ माग गर्नुभएको छ ।
आदिवासी रंगशालाको नाम एमालेले मदन भण्डारी रंगशाला राखेपछि विगतमा पटकपटक आन्दोलन समेत भएको थियो । यो रंगशाला अहिले अलपत्र छ । उपप्रधानमन्त्री सिंह र चौधरीले मन्त्रालयबाट गर्न सकिने काम गर्ने बचन दिएको अध्यक्ष राईले बताउनु भयो।
यो खबर पढेर तपाईलाई कस्तो महसुस भयो ?
2
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच