काठमाडौं । नेपाल ओलम्पिक कमिटी (एनओसी)को निर्वाचन विवाद समाधानको बाटोमा अगाडि बढेको छ । एनओसी विवाद चरममा पुगेपछि समस्या समाधानका लागि अन्तर्राष्ट्रिय ओलम्पिक कमिटी (आइओसी) ले ओलम्पिक कमिटी अफ एसिया (ओसिए) लाई जिम्मा दिएकोमा ओसिएले समाधान निकालेको हो ।
मंगलबार कुवेतमा दुईबुँदे सम्झौता भएको छ । ओलम्पिक काउन्सिल अफ एसिया (ओसिए)को मुख्यालयमा भएको छलफलपछि ओसिए तथा नेपाल ओलम्पिक कमिटीसँग नेपालका पाँचवटा संघले दुईबुँदे सम्झौता गरेका हुन् । यसअघि विभिन्न संघलाई सदस्यता नदिई जीवनराम श्रेष्ठ तेस्रो कार्यकालका नेपाल ओलम्पिक कमिटीको अध्यक्ष बन्न पाउने गरी विधान संशोधन भएपछि विवाद भएको थियो भने अदालतमा मुद्दासमेत परेको थियो ।
सम्झौता गर्ने पाँच संघमा नेपाल मोर्डन प्यानथाथोलन संघ, नेपाल इक्विस्ट्रेन संघ, नेपाल रग्वी संघ, नेपाल स्केटिङ तथा स्केटबोडिङ संघ र नेपाल बेसबल तथा सफ्ट बल संघ छन् । बैठकमा नेपाल ओलम्पिक कमिटीको अघिल्लो कार्यकालका महासचिव निलेन्द्रराज श्रेष्ठको सहभागिता भए पनि उहाँले सम्झौतामा हस्ताक्षर गर्नुभएन । सम्झौताअनुसार नेपाल ओलम्पिक कमिटीले १५ दिनभित्र विशेष साधारणसभा बोलाउने र उल्लेखित पाँच संघलाई सदस्यता दिने उल्लेख छ । यस्तै, पाँच संघले नेपाल ओलम्पिक कमिटीविरूद्ध दायर गरेको मुद्दा फिर्ता लिने दोस्रो सहमति भएको छ ।
एनओसी अध्यक्ष जीवनराम श्रेष्ठले बुधबार एक विज्ञप्ति जारी गर्दै उक्त सम्झौताका बारेमा जानकारी दिनुभएको छ । नेपालको खेलकुद ऐन र एनओसीको तत्कालीन विधानअनुसार कुनै पनि खेल संस्थामा अध्यक्ष र महासचिव पदमा कुनै पनि व्यक्ति दुई कार्यकालभन्दा बढी बस्न नपाउने भए पनि जीवनराम श्रेष्ठ लगातार तेस्रो कार्यकाल अध्यक्ष भएकोमा निलेन्द्रराज श्रेष्ठको विरोध थियो ।
एनओसीले निर्वाचित साधारणसभाभन्दा केही समयअघि विधान अधिवेशन गरेको थियो । सोही अधिवेशनबाट अध्यक्ष र महासचिवमा दुई कार्यकालभन्दा बढी बस्न नपाउने व्यवस्था हटाइएको थियो । विधान संशोधनका क्रममा अध्यक्ष जीवनरामको पक्षमा भए पनि चुनावमा भने महासचिव श्रेष्ठ विपक्षमा उभिनुभएको थियो ।
ओसिए मुख्यालयमा भएको सम्झौताअनुसार एनओसीले १५ दिनभित्र विशेष साधारणसभा बोलाएर पाँच संघलाई पूर्ण सदस्यता प्रदान गर्नुपर्नेछ । यसैगरी पाँच संघले बिनाशर्त तत्काल एनओसीविरुद्धको मुद्दा फिर्ता लिनुपर्नेछ । एनओसीका महासचिव श्रेष्ठले सम्झौतापछि नेपाली खेलकुदले सकारात्मक निकास पाएको प्रतिक्रिया दिनुभएको छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच