काठमाडौं । अनेसासका संस्थापक अध्यक्ष वरिष्ठ साहित्यकार होमनाथ सुवेदीको अभिनन्दन गरिएको छ । साहित्यिक पत्रकार संघले काठमाडौंमा एक समारोहबीच बुधबार उहाँलाई अभिनन्दन गरेको हो । कार्यक्रममा ‘आरुस-टाइगर प्रथम अन्तर्राष्ट्रिय निबन्ध प्रतियोगिता-२०८१’ को पुरस्कार अर्पण तथा सुवेदीको अभिनन्दन र साहित्यकार पुनम काफ्लेलाई लोकप्रिया पुरस्कार प्रदान रिएको थियो ।
साहित्यिक पत्रकार संघका अध्यक्ष राधेश्याम लेकालीको अध्यक्षतामा भएको कार्यक्रममा वरिष्ठ साहित्यकार सुवेदीलाई अध्यक्ष लेकाली, वरिष्ठ कलाकार मदनदास श्रेष्ठ, हेम सरिता पाठक फाउण्डेशनका प्रमुख संरक्षक हेम पाठक, समाजसेवी शोभित उप्रेती, सापस पूर्वअध्यक्ष नरेन्द्रबहादुर श्रेष्ठ, साहित्यकारहरू पद्मावती सिंह, हीरण्यकुमारी पाठक, प्रदीप बमजनलगायतले अभिनन्दन गर्नुभएको थियो । सोही कार्यक्रममा लोकप्रिया पुरस्कारबाट वरिष्ठ साहित्यकार पुनम काफ्ले (अमेरिका) सम्मानित हुनुभएको थियो ।
यसैगरी ‘आरुस-टाइगर प्रथम अन्तर्राष्ट्रिय निबन्ध प्रतियोगिता’मा प्रथम हुनुभएका दीपन अधिकारीलाई तीस हजार रुपैयाँ नगदसहित सम्मान गरिएको थियो । दीपनको ‘म नेपाली, मेरो नेपाल’ निबन्ध प्रथम भएको हो । यसैगरी दोस्रो हुनुभएका विपिन ढकाललाई बीस हजार नगद रुपैयाँसहित सम्मान्न गरिएको थियो । ढकालको ‘आँखाअघि देशको चित्र’ निबन्ध दोस्रो भएको हो । यसैगरी नीराजन ढकाललाई दश हजार नगद रुपैयाँसहित तेस्रो हुनुभएको थियो । नीराजनको ‘एक अञ्जुली माया देशको लागि’ निबन्ध तेस्रो भएको हो । यसैगरी निबन्धकारहरू सुनिता अधिकारी (देशप्रेम : कर्म, चेतना र उत्तरदायित्व), प्रकाश नेपाली (देशप्रेम), खिना सारु (राष्ट्रको समृद्धि शब्दमा होइन कर्ममा) र सुशील पौडेल (आहा ! मेरो देश नेपाल)लाई उत्कृष्ट सात निबन्धका लागि नगदसहित सम्मानपत्र प्रदान गरिएको थियो ।
कार्यक्रममा अभिनन्दित सुवेदी, अध्यक्ष लेकाली, हेम पाठक, पुरस्कारदाता सपना राउत, वरिष्ठ समालोचकहरू प्रमोद प्रधान, प्राडा.गोविन्दमान सिंह कार्की र डा.शान्तिमाया गिरी, निबन्धकार दीपन अधिकारी, आरुस बस्याललगायतले आ-आफ्नो मतव्य राख्नुभएको थियो । अभिनन्दित व्यक्तित्व सुवेदीले आफूले पाएको सम्मान डायस्पोरामा बसेर लेख्नुहुने सबैको भएको बताउनुभयो ।
निबन्ध चयन समितिका संयोजक प्रमोद प्रधानले नयाँ पुस्ताका लेखकहरूमा देशप्रेम भनेको भावनामात्र होइन, कर्म हो भन्ने बुझाइ महत्वपूर्ण भएको बताउनुभयो । कवि मुरारी सिग्देलले सञ्चालन गर्नुभएको कार्यक्रममा कला साहित्य क्षेत्रका विशिष्ठ व्यत्विको बाक्लो उपस्थिति थियो ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच