झापा । मध्यान्तरसम्म तीन-शून्यले पछि परेको अवस्था उल्टाउँदै लिगलिडर चर्च ब्वाइज युनाइटेड मेचीनगर गोल्डकपको फाइनल प्रवेश गरेको छ । यो चर्च ब्वाइजको अहिलेसम्मकै जादुमयी खेल हो । बिहीबार काँकडभिट्टा खेल मैदानमा भएको सेमिफाइनल खेलमा लिग उपविजेता मच्छिन्द्रविरुद्ध चार-तीन गोल अन्तरको रोमाञ्चक जित दर्ज गर्दै चर्च ब्वाइज फाइनल प्रवेश गरेको हो । प्रतियोगिताको फाइनल खेल शनिबार हुनेछ । उपाधिका लागि आयोजक काँकडभिट्टा फुटबल ट्रेनिङ र चर्च ब्वाइज आमनेसामने हुनेछन् ।
बिहीबारको खेलमा मच्छिन्द्रले ३०औँ मिनेटमा पहिलो गोल गरेको थियोे । पेनाल्टी एरियाबाट विदेशी खेलाडी युसुफ मलिकले सो गोल गर्नुभएको हो । ४३औँ मिनेटमा मच्छिन्द्रले अग्रता दोब्बर बनाएको थियो । सो गोल अर्का विदेशी खेलाडी एन्द्रेस नियालेले गर्नुभएको थियो । त्यसको एक मिनेट नबित्दै फेरि युसुफले गोल गर्दै टिमलाई मजबुत स्थितिमा पुर्याउनुभयो । यद्यपि मच्छिन्द्रले नराम्रोसँग खेल हार्यो ।
चर्च ब्वाइजका लागि खेलको ६१औँ मिनेटमा विदेशी खेलाडी अबयोमि फकुन्लेले पहिलो गोल गर्नुभएको थियो । ६९औँ मिनेटमा फकुन्लेले नै अर्को गोल थप्नुभयो । विदेशी खेलाडी रिचार्ड विल्सनले ७८औँ मिनेटमा गोल गर्दै टिमलाई बराबरी स्थितिमा पु¥याउनुभएको थियो । खेलको ८७औँ मिनेटमा फकुन्लेले हृयाट्रिक पूरा गर्नुभएको थियो ।
यो प्रतियोगिताकै पहिलो हृयाट्रिक हो । फकुन्लेको सो गोलसँगै चर्च ब्वाइजको फाइनल यात्रा पक्का भएको हो । खेलको प्लेयर अफ द म्याच हृयाट्रिक पूरा गर्नुभएका फकुन्ले बन्नुभयो । उहाँले नगद ११ हजार रुपैयाँ पुरस्कार प्राप्त गर्नुभयो ।
प्रतियोगिताको विजेताले १० लाख, ट्रफी र मेडल पाउनेछ । उपविजेताले पाँच लाख, ट्रफी र मेडल प्राप्त गर्नेछ । त्यस्तै, प्रतियोगिताको सर्वोत्कृष्ट खेलाडीले ५१ हजार, उच्च गोलकर्ताले नगद २५ हजार, उत्कृष्ट प्रशिक्षक र गोलकिपरले समान २१ हजार, उदीयमान खेलाडीले नगद ११ हजार प्राप्त गर्नेछन् ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
समता शुल्क फिर्ता भएपछि निजी
वडाध्यक्ष सञ्जय पटेल पक्राउ
पूर्व महानिर्देशक प्रदीप अधिकारीविरुद्ध भ्रष्टाचार
गण्डकीमा ट्राफिक कारबाहीबाट डेढ करोडभन्दा
कीर्तिपुरमा कारभित्र जलेर मृत्यु हुने
बिजुलीमा लगाइएको मूल्य अभिवृद्धि कर