काठमाडौं । नेपाल निर्माण व्यवसायी महासंघले बजारमा सिमेन्ट, डण्डीलगायत निर्माण सामग्रीको मूल्यमा कालोबजारी भएको भन्दै पुनः सरकारको ध्यानाकर्षण गराएको छ । महासंघ अध्यक्ष रवि सिंहले सिमेन्टमा अस्वाभाविक मूल्यवृद्धि तुरुन्त खारेज गराउन ध्यानाकर्षण गराउनुभएको हो ।
मंगलबार प्रतिनिधिसभाअन्तर्गतको उद्योग तथा वाणिज्य र श्रम तथा उपभोक्ता हित समितिको बैठकमा उहाँले अभाव सिर्जना गरेर बजारमा सिमेन्ट, छडलगायत सामग्रीको मूल्य बढाइँदा पनि सरकार मौन रहेको आरोप लगाउनुभयो । उद्योगीहरूले कार्टेलिङ गरेर निर्माणको काम सुरु हुने मंसिर पहिलो सातादेखि मूल्यवृद्धि सुरु गरेको भन्दै सिंहले हालसम्म मूल्यवृद्धिमा कीर्तिमान नै कायम रहेको बताउनुभयो । उहाँका अनुसार दशैँअघि तीन सय ५० रुपैयाँसम्म झरेको सिमेन्टको उपभोक्ता मूल्य पाँच सय ५० रुपैयाँ प्रतिबोरासम्म रहेको मंंसिरमा मूल्य बढाएर सात सयदेखि आठ सय रुपैयाँ प्रतिबोरासम्म पुगेको थियो । त्यसपछि निर्माण व्यवसायीले आन्दोलनको चेतावनी दिएपछि उद्योग मन्त्रालयको रोहबरमा मंसिर अन्तिम साता सिमेन्ट उद्योगी र निर्माण व्यवसायीसमेत बैठक बसेर बढेको मूल्यमा प्रतिबोरा एक सय रुपैयाँ घटाउने सहमति भएको थियो ।
सहमतिअनुसार प्रतिबोरा सिमेन्ट छ सय रुपैयाँसम्म निर्धारण हुने उद्योगीले बताए पनि मूल्य नघटाएपछि निर्माण व्यवसायीले पुनः मन्त्रालयमा ताकेता गरेका थिए । त्यसपछि माघ ६ गते उद्योग मन्त्रालय, सिमेन्ट उद्योगी र निर्माण व्यवसायीबीच भएको पुनः बैठकमा मूल्य घटाएर लागू गर्ने प्रारम्भिक समझदारी बनेको थियो । दुवै सहमति उल्लंघन गर्दै उद्योगीले बजारमा बढेकै मूल्य लागू गरेपछि सार्वजनिक लेखा समितिसम्म उजुरी परेको थियो ।
अध्यक्ष सिंहले बजारमा निर्माण सामग्रीमा कालोबजारीविरुद्ध आफूहरूले उपभोक्ता हित समितिमा उजुरी दिएको र उजुरीपछि छलफलका लागि उपभोक्ता हित समितिले बैठक बोलाएको जानकारी दिनुभयो । सिंहका अनुसार हाल औसतरूपमा ओपिसी सिमेन्ट आठ सय ५० र पिपिसी सिमेन्ट सात सय ५० रुपैयाँ प्रतिबोरा पुगेको छ भने डण्डीको मूल्य पनि बढेको छ । जसमा ७६ रुपैयाँ रहेको डण्डीको मूल्य हाल ९० रुपैयाँ पुगेको छ । अझै बढाएर एक सय पाँच रुपैयाँ पुर्याउने लक्ष्य राखेको छ । सिमेन्ट उत्पादक संघले भने घाटा खाएर बेचिरहेको दाबी गर्दै आएको छ । लोडसेडिङ भएमा अझै मूल्य बढ्ने संघको भनाइ छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच