नयाँदिल्ली । फाफ डु प्लेसिसले इण्डियन प्रिमियर लिग (आइपिएल) २०२५ मा दिल्ली क्यापिटल्सको उपकप्तानी गर्नुहुने भएको छ । डु प्लेसिस २०२४ को आइपिएलको अन्त्यसम्म रोयल च्यालेन्जर्स बैंग्लोरका कप्तान हुनुहुन्थ्यो । तर, गत वर्ष मेगा अक्सनअघि उहाँलाई बैंग्लोरले रिलिज गरेको थियो । त्यसपछि दिल्लीले उहाँलाई दुई करोड भारूमा किनेको थियो ।
यस वर्ष अनुबन्ध भएका र पूर्वआइपिएल कप्तान पनि रहनुभएका केएल राहुललाई भन्दा दिल्लीले डु प्लेसिसलाई प्राथमिकता दिएको छ । दिल्लीको कप्तानी भने अक्षर पटेलले गर्नुहुनेछ । डु प्लेसिस सबै फम्र्याटका दक्षिण अफ्रिकाका पूर्वकप्तान हुनुहुन्छ । उहाँ सन् २०१२ मा पहिलो पटक आइपिएलको हिस्सा बन्नुभएको थियो । त्यसपछि चेन्नाई सुपर किंग्सले उहाँलाई आफ्नो टोलीमा समावेश गरेको थियो । उहाँ सन् २०१५ सम्म चेन्नाईमा रहनुभएको थियो । त्यसपछि दुई सिजन (जब चेन्नाई प्रतिबन्धित थियो) राइजिङ पुणे सुपर जायन्ट्सबाट खेल्नुभयो । त्यसपछि उहाँ फेरि चेन्नाई टोलीसँगै रहनुभयो । सन् २०२२ को अक्सनमा बैंग्लोरले उहाँलाई किनेको थियो । विराट कोहलीले कप्तानीबाट राजीनामा दिएपछि डु प्लेसिसले उक्त जिम्मेवारी पाउनुभएको थियो ।
उहाँले तीन सिजनसम्म बैंग्लोरको कप्तानी गर्नुभयो । सन् २०२२ र २०२४ मा टोलीलाई प्लेअफमा पु¥याउनुभएको थियो । तर, अहिलेसम्म उपाधि जित्न सक्नुभएको छैन, जुन उपाधि बैंग्लोरले पछिल्ला १७ सिजनदेखि जित्ने प्रयास गरिरहेको छ । आइपिएलमा हालसम्म ४० वर्षीय डु प्लेसिसले १४५ खेलमा ३५.९९ को औसत र १३६.३७ को स्ट्राइक रेटमा चार हजार ५७१ रन बनाउनुभएको छ । उहाँ अझै पनि फ्रेन्चाइज क्रिकेटमा सक्रिय हुनुहुन्छ । एजेन्सी ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच