अर्घाखाँची । अर्घाखाँची जिल्लाको पाणिनि गाउँपालिकामा अवस्थित ऐतिहासिक तथा धार्मिक महत्वको पाणिनि तपोभूमि को प्रचारप्रसार र स्तरवृद्धि गर्ने उद्देश्यले चैत २७ र २८ गते ‘पाणिनि सम्मेलन’ आयोजना हुन लागेको छ।
यस सम्मेलनको उद्घाटन प्रधानमन्त्री केपी शर्मा ओलीले गर्नुहुने भएको छ।
गाउँपालिका अध्यक्ष टेकराज न्यौपानेका अनुसार उद्घाटन समारोहका लागि प्रधानमन्त्री ओली चैत २७ गते पाणिनि तपोभूमि आउने कार्यक्रम तय भएको छ। नेपालका सर्वोत्तम १०० पर्यटकीय गन्तव्यहरूमध्ये एक मानिएको पाणिनि तपोभूमि प्रचारप्रसारको अभावमा ओझेलमा परेको भन्दै यसको समग्र विकासका लागि सम्मेलन आयोजना गरिएको गाउँपालिकाका प्रमुख प्रशासकीय अधिकृत रोमनाथ न्यौपानेले बताउनुभयो।
यो सम्मेलनमा देश-विदेशका साधु-सन्त, धार्मिक व्यक्तित्व, बुद्धिजीवी तथा हजारौँ श्रद्धालुहरू सहभागी हुने अपेक्षा गरिएको छ। गाउँपालिका उपाध्यक्ष नर्मदा गौतम पौडेलले सम्मेलनले दुर्वाशेश्वर गुफा, सिद्धेश्वर गुफा, मालिका मन्दिर लगायतका धार्मिक तथा पर्यटकीय सम्भावना भएका क्षेत्रहरूको प्रचारप्रसारमा टेवा पुर्याउने विश्वास व्यक्त गर्नुभयो।
सम्मेलनको सफल आयोजनाका लागि गाउँपालिकाले विभिन्न उपसमितिहरू गठन गर्नुका साथै जनभेटघाट तथा छलफलहरूलाई तीव्रता दिएको छ।
स्थानीय जनप्रतिनिधि, राजनीतिक दल, सामाजिक व्यक्तित्व तथा स्थानीय समुदायहरू सबैजना पाणिनि सम्मेलनलाई भव्य र ऐतिहासिक बनाउने लक्ष्यका साथ क्रियाशील हुनुहुन्छ। यो सम्मेलनले पाणिनि तपोभूमिको पहिचानलाई राष्ट्रिय तथा अन्तर्राष्ट्रिय स्तरमा प्रवर्द्धन गर्न मद्दत गर्ने विश्वास गरिएको छ।
यो खबर पढेर तपाईलाई कस्तो महसुस भयो ?
1
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच