लण्डन । प्रिमियर लिगमा टोटनहृयामलाई हराउँदै चेल्सी च्याम्पियन्स लिग छनोटमा फर्किएको छ । एन्जो फर्नान्डेजले दोस्रो हाफमा हेडर गोल गरेसँगै चेलसीले टोटनहृयामलाई १-०ले हराएको हो । स्ट्याम्फोर्ड ब्रिजमा बिहीबार राति भएको तनावपूर्ण खेलमा लण्डन डर्बीमा अर्जेन्टिनी मिडफिल्डर फर्नान्डेजले खेलको ५०औं मिनेटमा कोल पामरको क्रसमा डिफेन्डरलाई छलेर हेडरमार्फत् गोल गर्नुभएको थियो ।
जितसँगै न्यूक्यासल र म्यानचेष्टर सिटीलाई उछिन्दै चेल्सी लिग तालिकाको चौथो स्थानमा पुगेको छ । लिगमा अब आठ चरणका खेलहरू बाँकी छन् र यसपटक शीर्ष पाँच टोली च्याम्पियन्स लिगमा छनोट हुने सम्भावना छ । दुई टोलीबीच चर्काचर्कीका साथै १० वटा पहेंलो कार्ड र दुईवटा गोल भिएआरले अस्वीकृत गरेको थियो । ५६औं मिनेटमा मोइसेस काइसेडोले उत्कृष्ट भलीमार्फत् गोल गर्नुभएको थियो । तर, भिएआर चेकपछि लिभाइ कोलविल अफसाइडमा देखिएका कारण गोल रद्द गरिएको थियो । त्यसपछि टोटनहृयामका वैकल्प खेलाडी पापे सारले लामो दूरीबाट प्रहार गरेर गोल गर्नुभयो ।
तर, उहाँले काइसेडोलाई फल गरेका कारण त्यो गोल पनि मान्य भएन र सारलाई पहेंलो कार्ड देखाइयो । टोटनहृयाम भने तालिकाको १४औं स्थानमै अडिएको छ । युरोपा लिगको क्वार्टरफाइनलमा पुगेको टिमको ध्यान अब लिगको प्रदर्शनभन्दा युरोपेली प्रतियोगितातर्फ केन्द्रित देखिन्छ । एजेन्सी ।






बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच