नयाँदिल्ली । इण्डियन प्रिमियर लिग (आइपिएल)मा सनराइजर्स-हैदरावादले लगातार तेस्रो हार बेहोरेको छ । तेस्रो खेलमा कोलकता नाइट राइडर्सल–हैदरावादलाई ८० रनले पराजित गरेको हो । कोलकताको यो दोस्रो जित हो । जितसँगै कोलकताले चार खेलबाट चार अंक पुर्याएको छ । हैदरावादको भने समान खेलबाट दुई अंक छ ।
कोलकताले दिएको २०१ रनको लक्ष्य पछ्याएको हैदरावादले १६.४ ओभरमा सबै विकेट गुमाउँदै १२० रन बनाउन सक्यो । हैदरावादका हेनरिक क्यालसनले सर्वाधिक ३३ रन बनाउनुभयो । कामिन्दु मेन्डिसले २० बलमा २७ रन बनाउनुभयो । नीतिशकुमार रेड्डी १९ र कप्तान प्याट कमिन्स १४ रनमा आउट हुँदा अन्यको ब्याट चल्न सकेन ।
कोलकाताका वैभव अरोरा र वरुण चक्रवर्तीले समान तीन विकेट लिनुभयो । त्यसअघि इडन गार्डेनमा टस हारेर पहिला ब्याटिङ थालेको कोलकाताले निर्धारित २० ओभरमा ६ विकेट गुमाउँदै २०० रन बनाएको थियो । कोलकाताका भेंन्कटेश अøयरले सर्वाधिक ६० रन बनाउनुभयो । अंगकृश रघुंवशीले ३२ बलमा ५० रन बनाउनुभयो ।
कप्तान अजिंक्य रहाणे ३८ रनमा आउट हुँदा रिन्कु सिंह ३२ रनमा अविजित रहनुभयो । हैदरावादका मोहम्मद शामी, प्याट कमिन्स, जिशन अन्सारी, हर्षल पटेल र कामिन्दु मेन्डिसको नाममा समान एक विकेट रहृयो । सनराइजर्स-हैदरावाद यसअघि मार्च २७ मा लखनऊ सुपर जायन्ट्ससँग पाँच विकेटले पराजित भएको थियो भने मार्च ३० मा दिल्ली क्यापिटल्ससँग सात विकेटले पराजित भएको थियो । मार्च २३ मा भएको पहिलो खेलमा भने सनराइजर्स-हैदरावादले राजस्थान रोयल्सलाई ४४ रनले हराएको थियो । एजेन्सी ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच