काठमाडौं । नेपाल विद्युत् प्राधिकरणका निवर्तमान कार्यकारी निर्देशक कुलमान घिसिङले आफूलाई हटाउन राज्यको सम्पूर्ण शक्ति खनिएको बताउनुभएको छ । शुक्रबार काठमाडौंमा पत्रकार सम्मेलन गर्दै कुलमानले आफूलाई गाली गर्न राज्यका जिम्मेवार व्यक्तिहरूले नै संसद्को रोष्ट्रम प्रयोग गरेको बताउनुभएको हो । उहाँको संकेत संसद्मा आफ्ना आलोचना गर्ने ऊर्जामन्त्री दीपक खड्का र प्रधानमन्त्री केपी शर्मा ओलीप्रति थियो । ‘नेपालको कानुनले निर्दिष्ट गरेको काममा खटिएको एक कर्मचारीमाथि राज्यको सम्पूर्ण शक्ति कसरी खनिएको थियो ? कसको स्वार्थ र सेवामा ममाथि जाइलागेको थियो ? भन्ने विषयमा नेपाली जनता आफैँ प्रष्ट हुनुहुन्छ । प्राधिकरणको कार्यकारी निर्देशकलाई गाली गर्न राज्यका जिम्मेवार व्यक्तिहरूले नै सार्वभौम संसद्को रोष्ट्रम कसरी सदुपयोग वा दुरुपयोग गरे ? नेपाली जनता आफैँ प्रत्यक्षदर्शी हुनुहुन्छ,’ उहाँले भन्नुभयो ।
आफू विद्युत् प्राधिकरणको कार्यकारी निर्देशकको जिम्मेवारीबाट बिदा भए पनि नागरिकका रूपमा आफ्ना काम र कर्तव्य कहिल्यै नभुल्ने पनि उहाँले बताउनुभयो । ‘नेपाली जनताले दिएको स्नेह र आशीर्वादले मलाई हार्न दिएको छैन । म विद्युत् प्राधिकरणको कार्यकारी निर्देशकबाट मात्र बिदा भएको हुँ, एक जिम्मेवार नागरिकको रूपमा मेरो काम, कर्तव्य र अभिभारा कहिल्यै कम हुने छैन,’ उहाँले भन्नुभयो । आफू सरकारको पछिल्लो कदमबाट उत्तेजित र हतोत्साही नभएको पनि उहाँको भनाइ छ । ‘एक इमानदार राष्ट्रसेवकका रूपमा मैले आफ्नो कार्यकाल समीक्षा गर्दा पछुतो गर्नुपर्ने कुनै काम गरेको छैन, अवसर र अधिकारलाई सदुपयोग गर्ने एकक्षण पनि खेर फालेको छैन,’ उहाँले भन्नुभयो ।
घिसिङले निष्ठाका साथ देश र जनताको सेवामा रातदिन खटिँदा पनि सरकारले आफूलाई पदबाट बर्खास्त गरेको गुनासो गर्नुभएको छ । उहाँले आफूले उद्योगहरूको ट्रंक तथा डेडिकेटेड लाइनको बक्यौता उठाउन पत्र काटेकै दिन सरकारले हटाएको बताउनुभयो । ‘बक्यौता उठाउने मेरो प्रयास नै मलाई हटाइनुको प्रमुख कारण बनेको छ । बक्यौता उठाउनु अपराध हो ?,’ उहाँले प्रश्न गर्नुभयो । त्यसैगरी, आफूलाई हतोत्साहित गर्न उहाँले राज्यको सम्पूर्ण शक्ति आफूमाथि खनिएको समेत आरोप लगाउनुभयो । ‘कसको स्वार्थमा राज्यको सम्पूर्ण शक्ति ममाथि खनिएको थियो नेपाली जनताले देखेका छन्,’ उहाँले भन्नुभयो ।
उहाँले प्राधिकरणमा रहेर लोडसेडिङ अन्त्य गर्नेदेखि, संस्थालाई नाफामा लगेर जनतालाई सुविधा दिनेसम्मका काम इमान्दारीपूर्वक सम्पन्न गरेको बताउनुभयो । त्यस्तै, राष्ट्र निर्माणमा जहाँ आवश्यक हुन्छ त्यहीँ योगदान दिन आफू तयार रहेको पनि कुलमानले बताउनुभयो । उहाँले भन्नुभयो, ‘मैले प्राधिकरणमा रहेर लोडसेडिङ अन्त्य गर्नेदेखि, संस्थालाई नाफामा लगेर जनतालाई सुविधा दिनेसम्मका कार्यहरू इमान्दारीपूर्वक सम्पन्न गरेको छु । यी सबै कार्यहरू नतिजामुखी नेतृत्व र जवाफदेहितामा आधारित थिए । मेरो प्रतिबद्धता सधैँ जनताको सेवाप्रति समर्पित रहनेछ । राष्ट्र निर्माणमा जहाँ मेरो आवश्यकता पर्छ, त्यहाँ योगदान दिन म सदैव तयार छु ।’ आफूलाई कमजोर बनाउन खोज्ने समूहबाट आफू सजग र सतर्क रहेको पनि उहाँले बताउनुभएको छ । ‘मलाई कमजोर बनाउन आगामी दिनमा समेत सोही किसिमका प्रहार हुनेमा म सतर्क र सजग रहेको पनि सार्वजनिक गर्न चाहन्छु,’ उहाँले भन्नुभयो ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
समता शुल्क फिर्ता भएपछि निजी
वडाध्यक्ष सञ्जय पटेल पक्राउ
पूर्व महानिर्देशक प्रदीप अधिकारीविरुद्ध भ्रष्टाचार
गण्डकीमा ट्राफिक कारबाहीबाट डेढ करोडभन्दा
कीर्तिपुरमा कारभित्र जलेर मृत्यु हुने
बिजुलीमा लगाइएको मूल्य अभिवृद्धि कर