काठमाडौं । नेकपा एमालेका महासचिव शंकर पोखरेलले आजबाट सरकार परिवर्तनको हल्ला अन्त्य भएको बताउनु भएको छ।
सामाजिक सञ्जालमार्फत् एमाले महासचिव पोखरेलले नयाँ वर्षको सुरुवातसँग सुरु भएको सरकार परिवर्तनको हल्ला आजबाटै अन्त्य भएको बताउनु भएको हो ।
साथै, उहाँले नीति, कार्यक्रम र बजेटको तयारीका सन्दर्भमा छलफलमा सहभागी हुन पनि आह्वान समेत गर्नुभएको छ ।
‘नयाँ वर्ष आरम्भसँगै सुरु भएको सरकार परिवर्तनको हल्ला आजबाट अन्त्य भएको छ । अब पुनः नीति, कार्यक्रम र बजेटको तयारीका सन्दर्भमा छलफलमा सहभागी बनौं,’ उहाँले लेख्नुभएको छ ।
उहाँले लेख्नुभएकाे छ–
बहस श्रृंखला २ स्वास्थ क्षेत्रमा
स्वास्थ क्षेत्रका मुख्य समस्याः
१ स्वास्थ पूर्वाधार तथा जनशक्तिको अभाव र असमान वितरण
२ स्वास्थ विमा कार्यक्रम कार्यान्वयनमा गम्भीर समस्या
३ निरोगी नेपालको अवधारणा कार्यान्वयनमा चुनौती
स्वास्थ क्षेत्रको सुधारका मुख्य विषय
१ योजना अनुरुप पूर्वाधार विकास र सुदृढिकरण
२ स्वास्थ क्षेत्रका लागि आवश्यक जनशक्तिको विकास र सन्तुलित वितरण (ग्रामिण क्षेत्रमा काम गर्ने जनशक्तिलाई विशेष प्रोत्साहन)
३ स्वास्थ विमाको प्रभावकारी कार्यान्वयन (यसमा सबै अनुदानलाई विमा कार्यक्रमसंग जोडेर विमाको दायराको विस्तार । गरिव र जेष्ठ नागरिकलाई निशुल्क विमाको सुनिश्चितता)
४ सूचना प्रविधिको प्रयोगद्वारा ग्रामिण क्षेत्रमा टेलिमेडिसिनको विस्तार
५ निरोगी नेपाल निर्माणका लागि स्वास्थ शिक्षा र स्वच्छ आहार विहारको प्रवर्धन
यस सन्दर्भमा तपाईका मौलिक सुझाव भए उल्लेख गर्नु होस् ।
प्रमुख प्रतिपक्षदल नेकपा माओवादीका अध्यक्षसमेत रहनुभएको पूर्वप्रधानमन्त्री पुष्पकमल दाहालले नयाँ वर्षमा सरकार परिवर्तन हुने दाबी गर्दै आउनु भएको थियो ।
प्रचण्डको उक्त दाबी र सत्तारुढ दल नेपाली कांग्रेसकै केही नेताहरुले सरकारको कार्यसम्पादनप्रति असन्तुष्टि जनाइरहेका बेला प्रधानमन्त्री केपी शर्मा ओली र नेपाली कांग्रेसका सभापति शेरबहादुर देउवाबीच आज भेटवार्ता भएको थियो ।
उहाँहरुबीच प्रधानमन्त्रीको सरकारी निवास बालुवाटारमा एक घण्टा लामो भेटवार्ता भएको थियो । सो भेटघाटपछि एमाले महासचिव पोखरेलको सरकार परिवर्तन हुने हल्ला आजबाट अन्त्य भएको भनाइ आएको हो ।
सरकारप्रति कांग्रेस नेताहरुले सार्वजनिक रुपमै असन्तुष्टि जनाइरहेको बेलामा प्रधानमन्त्री ओलीले देउवासँग छलफल गर्नुभएको हो ।
सरकारका विषयमा अनावश्यक हल्ला फैलाइयो बारे उहाँहरुबीच कुराकानी भएको स्रोतले बतायो । यस्तै, दुई नेताबीच सरकारको कामलाई गति दिएर नतिजा दिनेगरी काम गर्ने समझदारी भएको बुझिएको छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच