काठमाडौं । काठमाडौंमा जारी नेपाल सुपर लिग (एनएसएल) को प्लेअफ खेल्ने दुई टोलीको टुंगो लागेको छ । एक खेल खेल्न बाँकी रहेका साबिक विजेता ललितपुर एफसी र उपविजेता धनगढी एफसी शीर्ष दुईमा रहँदै प्लेअफ खेल्ने निश्चित भएको हो । अपराजित रहेका दुवै टोलीले पाँच खेलबाट समान ११ अंक जोडेका छन् । अन्तिम खेलबाट लिग विजेता र उपविजेताको टुंगो लाग्नेछ ।
प्लेअफको दुई टोलीका लागि चार टोलीको सम्भावना कायमै छ । लिग चरणका सबै खेल खेलेको काठमाडौं रेजर्स आठ अंकसहित तेस्रो स्थानमा छ । एक खेल खेल्न बाँकी एफसी चितवन सात अंकसहित चौथो, पोखरा थन्डर्स एफसी पाँच अंकसहित पाँचौं र झापा एफसी चार अंकसहित छैटौं स्थानमा छ । बुटवल लुम्बिनी एफसी एक अंकसहित अंक तालिकाको पुछारमा छ । बुटवल लुम्बिनीबाहेकका अन्य टोलीको प्लेअफ खेल्ने सम्भावना कायमै छ ।
लिगका सबै खेल खेलेको काठमाडौंलाई प्लेअफमा पुग्न एफसी चितवन र पोखरा थन्डर्समध्ये एक टोलीको हारले पुग्नेछ । चितवनले अन्तिम खेलमा धनगढी एफसीलाई हराएमा प्लेअफमा स्थान सुरक्षित गर्नेछ । हार बेहोरेमा चितवनलाई प्लेअफमा स्थान बनाउन पोखरा र झापाले बराबरी वा हार्नुपर्ने हुन्छ । पोखरा र झापालाई प्लेअफमा पुग्न जितको विकल्प छैन ।
पोखराले लिगको अन्तिम खेल जितविहीन रहेको बुटवल लुम्बिनी एफसी र झापाले ललितपुर एफसीसँग खेल्नेछन् । दुवैलाई प्लेअफमा स्थान बनाउन ठूलो जित त आवश्यक पर्छ नै साथै चितवनले धनगढीसँग हार्नुपर्ने हुन्छ । पोखरालाई भने अन्तिम खेलमा जित र चितवनको हारले प्लेअफमा स्थान बनाउन पर्याप्त हुनेछ । झापा प्लेअफमा पुग्न पोखरा र चितवन ठूलो अन्तरले हार्नुपर्ने हुन्छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
समता शुल्क फिर्ता भएपछि निजी
वडाध्यक्ष सञ्जय पटेल पक्राउ
पूर्व महानिर्देशक प्रदीप अधिकारीविरुद्ध भ्रष्टाचार
गण्डकीमा ट्राफिक कारबाहीबाट डेढ करोडभन्दा
कीर्तिपुरमा कारभित्र जलेर मृत्यु हुने
बिजुलीमा लगाइएको मूल्य अभिवृद्धि कर