मड्रिड । स्पेनिस महारथी बार्सिलोना सात वर्षपछि युरोपियन च्याम्पियन्स लिग फुटबलको सेमिफाइनलमा प्रवेश गरेको छ । च्याम्पियन्स लिगको दुई लेगमा समग्रमा ५-३ को जित निकाल्दै बार्सिलोना सन् २०१९ पछि अन्तिम चारमा स्थान बनाउन सफल भएको हो । बार्सिलोनाले सन् २०१९ पछि च्याम्पियन्स लिगको सेमिफाइनलमा स्थान बनाएको हो । उक्त संस्करणमा बार्सिलोना सेमिफाइनलमा लिभरपुलसँग समग्रमा ४-३ ले पराजित भएको थियो ।
मंगलबार राती डर्टमन्डको मैदानमा सम्पन्न दोस्रो लेगमा घरेलु टिमलाई जित दिलाउन सेर्होउ गुइरासीले हृयाट्रिक गर्नुभयो । तर, पहिलो लेगमा बेहोरेको ४-० को हारका कारण डर्टमन्डले सेमिफाइनल यात्रा भने तय गर्न सकेन । बार्सिलोनाले डर्टमन्डकै खेलाडीबाट एक गोल आत्मघाती उपहार पाएको थियो ।
खेलको ११औँ मिनेटमा गुइरासीले पेनाल्टी सदुपयोग गरेपछि डर्टमन्डले अग्रता बनाएको थियो । जसलाई उहाँले ४९औँ मिनेटमा दोब्बर बनाउनुभयो । ५४औँ मिनेटमा रामी बेन्सेबाइनीबाट आत्मघाती गोल भएपछि बार्सिलोनाले डर्टमन्डको अग्रतालाई २–१ मा झारेको थियो । ७६औँ मिनेटमा गुइरासीले हृयाट्रिक गर्नुभए पनि त्यसपछि थप गोल नहुँदा बार्सिलोना सेमिफाइनल प्रवेश गरेको हो । लिगको फाइनलमा पुग्न बार्सिलोनाले अब इन्टर मिलान र बार्यन म्युनिखबीचको विजेतासँग प्रतिस्पर्धा गर्नेछ ।
मंगलबार राती नै भएको खेलमा एस्टन भिल्लाले पेरिस सेन्ट जर्मेन (पिएसजी)लाई हरायो । यद्यपि, समग्रमा ५-४ को जित निकाल्दै पिएसजी नै सेमिफाइनलमा स्थान बनाउन सफल भएको हो । घरेलु मैदानमा भएको पहिलो लेगमा भने पिएसजी ३-१ ले विजयी भएको थियो । भिल्ला पार्कमा एष्टन भिल्लाले कमब्याक जित निकालेको हो । पिएसजीले २७ मिनेटभित्र दुई गोल गरेको थियो । अचराफ हाकिमीले ११औँ मिनेटमा गोल गर्नुभएको थियो । नुनो मेन्डिसले २७औँ मिनेटमा दोस्रो गोल थप्नुभयो ।
तर, यौरी टिलेम्यान्सले ३४औँ मिनेटमा पहिलो गोल फर्काउनुभयो । जोन म्याकगिनले ५५औँ मिनेटमा बराबरी गोल गर्नुभएको थियो । इरी कोन्साले ५७औँ मिनेटमा विजयी गोल गरेपछि टोली क्वाटरफाइनलबाटै बाहिरिन बाध्य भयो । एजेन्सी ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच