काठमाडौं । लागूऔषध तथा लागूपदार्थ दुव्र्यसनीसम्बन्धी जनचेतनामूलक गीतको भिडियो ‘भुलको बाटो’ सार्वजनिक गरिएको छ । बुधबार काठमाडौंमा एक कार्यक्रमबीच कुबेर तामाङले निर्देशन गरेको गीतको भिडियो प्रमुख अतिथि वरिष्ठ संगीतकार राजु सिंह र अतिथिहरू गीतकार संघका अध्यक्ष वसन्त वित्यासी थापा, कलाकार, गीतकार तथा चलचित्र विकास बोर्डका पूर्वसदस्य उत्तम केसी, कलाकार पवन केसी, चलचित्र निर्देशक रामशरण कोइरालालगायतले सार्वजनिक गर्नुभएको थियो ।
मेघ सुवेदीको भिडियो सन्देशबाट सुरुवात भएको कार्यक्रममा बोल्दै निर्देशक कुबेर तामाङले अग्रजव, समकालीन कलाकार एवं प्राविधिकसँग काम गर्दा सबैको साथसहयोग पाएको सुनाउनुभयो । कलाकार केसीले प्रारम्भका दिनमा आफूले कुबेर तामाङलाई फोटोग्राफरको रूपमा चिनेको भए पनि उहाँ राम्रो निर्देशक भएको बताउनुभयो । गीतको भिडियो सान्दर्भिक र सन्देशमूलक बनेको बताउँदै उहाँले कलाकार, सिनेम्याटोग्राफर अनि प्राविधिक टिमको प्रशंसा गर्नुभएको थियो ।
यस्तै, गीतकार संघका अध्यक्ष तथा गीतकार थापाले ‘भुलेको बाटो’ गीतले सान्दर्भिक र समसामयिक विषयलाई मार्मिक ढंगले उठाएको बताउनुभयो । प्रमुख अतिथि सिंहले अहिले नाच्ने गीतहरूमात्र आइरहेको सन्दर्भमा कथासहित गीत बनाएकोमा निर्देशक तामाङको प्रशंसा गर्नुभयो । ‘म त कुबेरजीको फ्यान नै भए । राम्रो गीत बनेको छ, सिंगो टिमलाई बधाई दिन चाहन्छु’, उहाँले भन्नुभयो ।
सिसन लिम्बूले सहजीकरण गरेको कार्यक्रममा वरिष्ठ संगीतकार सिंह, कलाकार केसी, गीतकार संघका अध्यक्ष थापा र म्युजिक भिडियोका कलाकारलाई सम्मान गरिएको थियो । मनु खड्काको निर्माण रहेकोे ‘भुलको बाटो’ गीतमा गीतकार स्याडो रियल, गायक किरण भुजेल एवं गायिका श्रेया राई, संगीतकार डि आर यस क्षेत्री, मिक्सिङ तथा मास्टरिङमा किशोर थापा र एरेञ्ज सुनिल राईको छ । भिडियोको छांयाकन रामशरण उप्रेतीले र सम्पादन टेकेन्द्र शाहले गर्नुभएको हो । भिडियोमा सञ्जित भण्डारी, रश्मि भट्ट, दीपा शाही, मेघ सुवेदी, ऋचा थापा, आयुशा कार्कीलगायत कलाकारको अभिनय छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच