नयाँदिल्ली । इण्डियन प्रिमियल लिग (आइपिएल)मा पञ्जाब किंग्सले रोयल च्यालेन्जर बैंग्लुरु (आरसिबी)लाई ५ विकेटले हराएको छ । वर्षाले प्रभावित भएर १४ ओभरमा घटाइएको खेलमा पञ्जाबले सनसनीपूर्ण प्रदर्शन गर्दै जित निकालेको हो । बैंग्लुरुले दिएको ९६ रनको लक्ष्य पछ्याएको पञ्जाबले ११ बल बाँकी हुँदा पाँच विकेटको क्षतिमा ९८ रन जोड्दै सहजै भेट्टाएको थियो ।
पञ्जाबका लागि नेहाल बाधेराले अविजित रहँदै १९ बलमा ३३ रन जोड्नुभयो । उहाँले समान तीन चौका र छक्का प्रहार गर्नुभयो । मार्कस स्टोनिसले दुई बलमा सात रन जोड्नुभयो । आफूले सामना गरेको पहिलो बलमा एक रन लिनुभएका उहाँले एस दयालको बलमा छक्का प्रहार गर्दै खेलको अन्त्य गर्नुभएको थियो । बैंग्लुरुका जोस हजेलउडले तीन ओभरमा १४ रन खर्चेर पञ्जाबको तीन विकेट लिनुभएको थियो ।
यसअघि टस हारेर पहिले ब्याटिङ गरेको बैंग्लुरुले नौ विकेटको क्षतिमा ९५ रन जोडेको हो । सो टोलीका टिम डेभिडले अविजित रहँदै २६ बलमा ५० रन जोड्नुभयो । उहाँको पारीमा पाँच चौका र ती छक्का समावेश थियो । कप्तान रजत पाटिदरले १८ बलमा २३ रन जोड्नुभयो । अन्यले दोहोरो अंकमा रन जोड्न सकेनन् ।
पञ्जाबलाई नियन्त्रणमा राख्ने क्रममा मार्को जेन्सनले तीन ओभरमा १० रन खर्चेर दुई तथा युजभेन्द्र चावलले तीन ओभरमा ११ रन खर्चेर दुई विकेट लिनुभयो । आर्शदीप सिंहले तीन ओभरमा २३ रन खर्चेर दुई विकेट लिनुभयो । दुई विकेट लिए पनि हरप्रित सिंह महँगो साबित हुनुभयो । पराजयका बाबजुद बैंग्लुरुका टिम डेभिड प्लेयर अफ द म्याच घोषित हुनुभयो । यो जितसँगै पञ्जाब १० अंकसहित तालिकाको दोस्रो स्थानमा पुगेको छ । १० अंक नै भएको दिल्ली क्यापिटल शीर्ष स्थानमा छ । एजेन्सी ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच