काठमाडौं । विश्वव्यापी मोबिलिटी र अर्बन सर्भिसेज प्लेटफर्म इनड्राइभले नेपालमा आफ्नो विशेष मोडलमार्फत् गतिशीलताको धारणा नै फेरिदिएको छ । इनड्राइभ ‘आफ्नो यात्राको भाडा आफैं तय गर्नुहोस् र मनपर्ने चालक छान्नुहोस्’ मोडलमा अग्रणी सेवाप्रदायक हो । कम्पनीका अनुसार उक्त ग्राहकमैत्री मोडलले यात्रुलाई आफूले चाहेको यात्राको मूल्य प्रस्ताव गर्ने, उपलब्ध चालकमध्येबाट छनोट गर्ने र सवारी साधनको प्रकार चयन गर्ने स्वतन्त्रता दिन्छ । उक्त सेवा परम्परागत सवारी साधन बुकिङ प्लेटफर्मभन्दा पूर्ण रूपमा भिन्न छ, जहाँ मूल्य निर्धारण स्वचालित एआई मोडल र एल्गोरिदमद्वारा तय हुन्छ । इनड्राइभले यात्रु र चालक दुवैलाई पारदर्शी र निष्पक्ष सहमतिका आधारमा यात्राको भाडा तय गर्ने अवसर प्रदान गरेर नेपाली बजारमा नयाँ मानक स्थापित गरेको छ ।
कम्पनीले आफ्नो द्रूत सफलता र लोकप्रियताको मुख्य श्रेय कम्पनीको अद्वितीय र प्रयोगकर्तामैत्री मोडललाई दिन्छ, जसले अन्य पारम्परिक मोडलको तुलनामा अझ बढी ग्राहक सन्तुष्टि सुनिश्चित गर्दै आएको छ । इनड्राइभका एपिएसीका कम्युनिकेसन लिड पवित्रनन्द आनन्द भन्नुहुन्छ, ‘हामीले सन् २०२२ मा नेपालमा ‘आफ्नो भाडा आफैं तय गर्नुहोस् र आफ्नो चालक छान्नुहोस्’ भन्ने मोडलसाथ इनड्राइभ सेवा सुरु गरेका थियौं । नेपाली बजारमा यस्तो सुविधा ल्याउने पहिलो राइड-हेलिङ प्लेटफर्म इनड्राइभ नै हो । यो मोडलले यात्रुलाई आफैंले आफ्नो यात्रा भाडा प्रस्ताव गर्न र उपलब्ध चालकमध्ये मूल्यांकन, सवारी साधनको प्रकार, पिकअप समय तथा दूरीजस्ता पक्षका आधारमा उपयुक्त चालक छनोट गर्ने स्वतन्त्रता दिन्छ । नेपाली उपभोक्ताले यस सुविधालाई अत्यन्तै रुचाएका छन्, किनभने यसले उचित भाडादर र अनुकूल यात्रा अनुभवको विकल्प प्रदान गर्छ ।’
कम्पनीका अनुसार इनड्राइभ निष्पक्ष र पारदर्शी मूल्य निर्धारण मोडलमा अग्रणी कम्पनी हो र यही विशेषताले यसलाई विश्वव्यापी रूपमा लोकप्रिय एपमध्ये एक बनाएको छ । इनड्राइभ अहिले विश्वको दोस्रो सबैभन्दा बढी डाउनलोड गरिएको राइड हेलिङ एप बन्न सफल भएको छ र लगातार तीन वर्षसम्म यो उपलब्धि कायम राख्न सफल भएको छ ।’ उक्त एप ट्राभल श्रेणीमा विश्वव्यापी रूपमा पाँचौं स्थानमा पर्ने सबैभन्दा बढी डाउनलोड भएको एप हो । डिसेम्बर २०२४ मा इनड्राइभ एप ६१ लाखभन्दा बढी पटक डाउनलोड भएको छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच