काठमाडौं । २०६४ साल वैशाख ७ गते २०औँ वाणिज्य बैंकका रूपमा स्थापना भएको सिटिजन्स बैंक इन्टरनेसनल लिमिटेडले विभिन्न कार्यक्रम आयोजना गरी आइतबार १८औँ वार्षिकोत्सव मनाएको छ । १८ वर्षको अवधिमा बैंकले १८ लाख ७९ हजार ग्राहकलाई वित्तीय सेवा प्रदान गर्न सफल भएको छ । सातवटै प्रदेशमा अवस्थित आफ्नै भवनमा प्रदेश कार्यालय सञ्चालनका साथै दुई सय शाखामार्फत् चालु आर्थिक वर्षको तेस्रो त्रैमाससम्ममा बैंकको कुल निक्षेप करिब दुर्र्ई खर्ब दुर्र्ई अर्ब रहेकोमा कर्जातर्फ एक खर्ब ७३ अर्ब परिचालन गरेको छ ।
बैंकले १८औँ वार्षिकोत्सवका अवसरमा आइतबार बिहान सातवटै प्रदेशमा करिब नौ सय २१ कर्मचारीको सहभागितामा प्रभातफेरी कार्यक्रम आयोजना गरेको थियो । जसबाट जनमानसमा वित्तीय ज्ञानको समेत अभिमुखीकरण हुने अपेक्षा बैंकले लिएको छ । त्यसैगरी संस्थागत सामाजिक उत्तरदायित्व कार्यक्रमअन्तर्गत बैंकले रक्तदान नै जीवनदान भन्ने नारा सार्थक बनाउँदै रगत अभाव केही हदसम्म भए पनि पूर्ति गर्ने अभिप्रायसाथ नेपाल रेडक्रस सोसाइटी र हिमाल हस्पिटलसँगको सहकार्यमा सातवटै प्रदेशका कुल ३३ शाखाबाट करिब नौ सय १३ जना रक्तदाताको सहभागितामा रक्तदान कार्यक्रम सम्पन्न गरेको छ ।
डिजिटल बैंकिङलाई उच्च प्राथमिकतामा राखी ब्रिक बैंकिङ टु क्लिक बंैकिङ भन्ने मूल मन्त्र आत्मसात गर्दै सिटिजन्स मोबाइल बैंकिङ एपमार्फत् ट्याप एण्ड पे सेवा तथा नेपालमै पहिलोपटक क्रस बैंक टेलर क्युआर भुक्तानी सेवा सञ्चालनमा ल्याएको छ । सिटिजन्स बैंकका मोबाइल बैंकिङ प्रयोगकर्ताले आफ्नो मोबाइल बैंकिङ सेवामार्फत् अफलाइन माध्यमबाटै पाँच हजारसम्मको भुक्तानी ट्याप एण्ड पेमार्फत् सहज रूपमा गर्न सकिने पनि बैंकले जनाएको छ । साथै बैंकले नेपालमै पहिलोपटक क्रस बैंक टेलर क्युआर प्रणाली सुरुवात गरी अन्य बैंकका ग्राहकले नजिकैको सिटिजन्स बैंकको शाखा काउन्टरमा गई आफ्नो बैंकको मोबाइल बैंकिङमार्फत् क्रस बैंक टेलर क्युआर स्क्यान गरेर तुरुन्तै नगद भुक्तानी प्राप्त गर्न सकिनेछ ।
सोही अवसरमा बैंकले नयाँ बचत खाता (सिटिजन्स फ्रिल्यान्सर सेभिङ एकाउन्ट) सेभ लोकल, अर्न ग्लोबल-सिटिजन्स फ्रिल्यान्सर सेभिङ एकाउन्ट भन्ने नाराका साथ सञ्चालनमा ल्याएको छ । खाता विशेषगरी फ्रिल्यान्सरहरूको वित्तीय आवश्यकतालाई ध्यानमा राखी डिजाइन गरिएको बैंकले जनाएको छ । उक्त खाताका ग्राहकलाई दुवै नेपाली रुपैयाँ र अमेरिकी डलर बचत खाता खोल्ने सुविधा प्रदान गरिनुका साथै दुवै बचत खातामा उच्चतम ब्याजदर पनि प्रदान गरिने बताइएको छ । उक्त बचत खातामा पहिलो वर्षका लागि स्वास्थ्य उपचार बीमा २५ हजारसम्म(ओपिडी सेवा पाँच हजारसम्म), दुर्घटना मृत्यु बीमा तीन लाखसम्म लगायत निःशुल्क मोबाइल बैंकिङ, इन्टरनेट बैंकिङ, डेबिट कार्ड र डिम्याट खाता सुविधाहरू समावेश गरिएको छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच