काठमाडौं । चौथो नेपाल ग्रामीण चलचित्र महोत्सव सम्पन्न भएको छ । शनिबार सम्पन्न महोत्सवमा उत्कृष्ट निर्देशक मिलन चाम्स हुनुभयो । उहाँले चलचित्र ‘अञ्जलि’बाट वेष्ट निर्देशकको अवार्ड चुम्नु भएको हो । महोत्सवमा जितु नेपाल चलचित्र ‘ज्वाइँ साब’बाट उत्कृष्ट अभिनेता र उत्कृष्ट अभिनेत्री केकी अधिकारी घोषित हुनुभयो । केकीले चलचित्र ‘बोक्सीको घर’बाट उक्त अवार्ड हात पार्नुभएको हो ।
गोसाइँकुण्ड गाउँपालिका, रसुवामा भएको महोत्सवमा अभिनेता प्रदीप खड्काले चलचित्र ‘पूजार सार्की’बाट वेष्ट एक्टर (जुरी) अवार्ड प्राप्त गर्दा वेष्ट म्युजिकल सर्ट फिल्म अवार्ड ‘प्याकुली’का रामहरि खड्का, वेष्ट कल्चर फिल्म तामाङ ‘एप्लेङ ना नाम्सा’ले र इन्करेजमेन्ट अवार्ड रोनिस खड्का फिल्म प्याकुलीबाट प्राप्त गर्नुभयो । वेष्ट सर्ट फिल्म ‘मा कामरातो’बाट निर्मल पौडेल, वेष्ट डकुमेन्ट्री ‘माझी’बाट सवीर श्रेष्ठ, वेष्ट फिल्म ‘अञ्जलि’बाट प्रेम श्रेष्ठले अवार्ड जित्नुभयो ।
फेस्टिभलमा वेष्ट सम्पादक भरत रेग्मी चलचित्र ‘पूजार सार्की’, वेष्ट छायांकन शिवराम श्रेष्ठ चलचित्र ‘बोक्सीको घर’, जुरी मेन्सन अवार्ड ऋषिराजा आचार्य चलचित्र ‘द्रौपदी’, जुरी अवार्ड निर्देशक वसन्त निरौला चलचित्र ‘ज्वाइँ साब’, वेष्ट भिज्युअल इफेट फिल्म ‘बोक्सीको घर’बाट मनोज श्रेष्ठले जित्नुभयो ।
सञ्चार तथा सूचना प्रविधि मन्त्री पृथ्वी सुब्बा गुरुङ, चलचित्र विकास बोर्डका अध्यक्ष दिनेश डिसी र गोसाइँकुण्ड गाउँपालिका अध्यक्ष कैसाङनुर्पु तामाङले विजेतालाई अवार्ड तथा प्रमाणपत्र वितरण गर्नुभएको थियो । महोत्सवमा साना-ठूला गरेर २२ चलचित्र प्रदर्शन गरिएको थियो । दर्जनौं चलचित्रकर्मी र रंगपत्रकारको समेत सहभागिता महोत्सवको समापन ३०औं वन्यजन्तु सप्ताह, चौथो गोसाइँकुण्ड गाउँपालिका अध्यक्ष कप २०८२ तथा १३औं रेडपाण्डा ट्रफी भलिबल प्रतियोगिता एकसाथ आयोजना भएको थियो ।
नेपाली महिला फुटबल टोलीको क्याप्टेन एञ्जिला तुम्बापो सुब्बाको जीवनमा आधारित अञ्जिला चलचित्र प्रदर्शन गर्दै महोत्सव सुरु भएको थियो । पहिलो दिन वैशाख ४ गते ‘अञ्जिला’सँगै ‘पूजार सार्की’, ‘ज्वाइँ साव’, ‘बोक्सीको घर’ प्रदर्शन भएको थियो ।
‘आफ्नै गाउँ, आफ्नै ठाउँ, आफ्नै भाषा, आफ्नै चलचित्र’ भन्ने मूल नाराका साथ सेलीब्रेटी नेपालले नियमित रूपमा महोत्सव आयोजना गर्दै आएको महोत्सवका अध्यक्ष रघुनाथ सापकोटाले जानकारी दिनुभयो । उहाँले महोत्सवले गाउँगाउँमा चलचित्र संस्कृतिको विकास गर्ने बताउनुभयो । कार्यक्रममा रेडियो रसुवाका पत्रकार दीपक लामालाई नगद पाँच हजार ५५५ रुपैयाँसहित ‘पत्रकारिता पुरस्कार’ र ‘लाज शरणम्’ चलचित्रका निर्माता नवीन श्रेष्ठलाई सम्मान प्रदान गरिएको थियो ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच