काठमाडौं । राष्ट्रिय स्वतन्त्र पार्टीका सभापति रवि लामिछानेको बन्दी प्रत्यक्षीकरण रिटमा कारण देखाऊ आदेश जारी भएको छ । न्यायाधीश अब्दुल अजिज मुसलमानको इजलासले मंगलबार प्रारम्भिक सुनुवाइपछि कारण देखाऊ आदेश जारी गरेको हो । उक्त रिट अब आदेशका लागि संयुक्त इजलासमा जाने भएको छ । यअसघि सोमबार मुद्दाको पेसी न्यायाधीश हरिप्रसादफुँयालको इजलासमा परे पनि हेर्न नमिल्ने भएर स्थगित भएको थियो ।
सभापति लामिछानेका तर्फबाट श्रीमती निकिता पौडेलले गत आइतबार बन्दी प्रत्यक्षीकरण रिट दर्ता गर्नुभएको थियो । रिटमा रविलाई गैरन्यायिक थुनामा राखिएको भन्दै रिहा गर्न माग गरिएको छ । बुटवलको सुप्रिम सहकारी ठगी तथा संगठित अपराधमा उच्च अदालत तुल्सीपुर बुटवल इजलासको आदेशमा रवि पुर्पक्षका लागि थुनामा हुनुहुन्छ ।
यसअघि लामिछानेले ७३ नम्बर निवेदनमार्फत उच्च अदालतको आदेश बदरको माग गर्नुभएको थियो । उक्त निवेदनमा सर्वोच्चका न्यायाधीश टेकप्रसाद ढुंगानाको इजलासले कैफियत प्रतिवेदन झिकाउने आदेश गरेको छ । उक्त आदेशको सुनुवाइ नहुँदै रविका तर्फबाट श्रीमती निकिताले बन्दी प्रत्यक्षीकरणको रिट दायर गर्नुभएको हो ।
सुप्रिम सहकारी हिनामिना प्रकरणमा उच्च अदालत तुलसीपुरको बुटवल इजलासले गत चैत २२ गते लामिछानेलाई थुनामा राख्ने आदेश दिएपछि रवि भैरहवा कारागारमा हुनुहुन्छ । यसअघि रूपन्देही जिल्ला अदालतले उहाँलाई एक करोड धरौटीमा रिहा गर्न आदेश दिएको थियो । सर्वोच्चले हाल उच्च अदालत र जिल्ला अदालतको आदेशको कैफियत प्रतिवेदन माग गरिसकेको छ ।
यो खबर पढेर तपाईलाई कस्तो महसुस भयो ?
1
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच