काठमाडौं । हरिवंश आचार्यको प्रमुख भूमिका रहेको चलचित्र ‘भुटान’ ग्राण्ड प्रिमियर गरिएको छ । मंगलबार काठमाडौंको सुनधारास्थित सिभिल महलमा रहेको क्युएफएक्समा यस चलचित्रको प्रिमियर गरिएको हो । भुटानबाट लखेटिएर नेपाल हुँदै अमेरिका पुगेका एक वृद्धको स्वदेश फर्किने हुटहुटीलाई मूल कथानक बनाएर निर्माण गरिएको यो चलचित्रमा निर्देशक विनोद पौडेलले गजबको सिर्जनशीलता प्रस्तुत गर्नुभएको भन्दै प्रिमिएरमा तारिफ गरिएको थियो ।
प्रिमिएरमा राजनीतिक दलका नेता, समाजसेवी, कलाकार, पत्रकारलगायतको सहभागिता थियो । एमालेका उपमहासचिव प्रदीप ज्ञवालीले चलचित्र आफ्नो माटो गुमाउनुको, पहिचान गुमाउनु, देश गुमाउनुको पीडा देखाएको बताउनुभयो । उहाँले कलाकारको अभिनय, सुन्दर निर्देशकीय पाटोले भूठान एक उत्कृष्ट फिल्म बनेको प्रतिक्रिया दिनुभएको थियो । नेपाली कांग्रेसका महामन्त्री विश्व प्रकाश शर्माले चलचित्रले धेरैको कथा बोलेको बताउनुभयो । उहाँले गुमाउनु परेकाहरूको पीडा चलचित्रले बोलेको धारणा राख्नुभयो । वरिष्ठ कलाकार मदनकृष्ण श्रेष्ठले राम्रो चलचित्र हेर्न पाएकोमा खुशी व्यक्त गर्नुभयो ।
अभिनेत्री मनिषा कोइराला चलचित्र असाध्यै मन परेको बताउँदै ‘सिनेमा भनेको कथा भन्नु हो । उनले कस्तो मीठो ढंगले कथा भन्नुभएको छ एउटा मान्छेको पीडा देखाउनु भाको छ । मेरो विचारमा टेक्निकल्ली सिनेमाटोग्राफी स्टोरी लाइन डायलग डायलग पनि पोएट्री जस्तो छ,’ उहाँले भन्नुभयो । यस्तै नेपाली क्रिकेट टोलीमा कप्तान रोहितकुमार पौडेलले चलचित्र एकदमै राम्रो लागेको प्रतिक्रिया दिनुभएको थियो । यो चलचित्रको सम्पूर्ण छायांकन अमेरिकामा गरिएको हो ।
अंग्र्रेजीमा ‘द वल्र्डस् हृयाप्पिएस्ट म्यान’ नाम रहेको यो चलचित्रमा हरिवंशसँगै दयाहाङ राई, अनुराधा मजुमदार, पूजा चन्द-लामा, रिचा घिमिरे, जोएस पाण्डे, अदिति प्याकुरेल, टम क्रेन, विमल सुवेदीको अभिनय छ । हलिउडका विश्वविख्यात अभिनेता ब्रस डर्नले पनि विशेष भूमिकामा अभिनय गर्नुभएको छ । चलचित्रले भुटानदेखि भारत र नेपाल हुँदै अहिले अमेरिकामा बसोवास गरिरहेका भुटानीहरूको देश प्रेम र आफ्नो थातथलो छोड्न पर्दा घर हराएको कथा उठान गरेको छ । चलचित्र यही शुक्रबारदेखि सिनेमाघरमा आउने यो चलचित्रका निर्मातामा अविरल थापा, सुशांक मैनाली, राजेन्द्र ठकुराठी, अमिताभ जोशी र किर्तना बाँस्कोटा रहनुभएको छ । प्राविधिक र कलात्मक दृष्टिकोणले ‘भूठान’ मा क्लासिक हलिउड चलचित्रको ‘फ्लेभर’ छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच