काठमाडौं । नेपाल स्रष्टा समाजले हरेक वर्ष प्रदान गर्दै आएको दमन्ता खनाल स्मृति नारी स्रष्टा सम्मान यस वर्ष पाल्पाकी लोकगायिका लक्ष्मी तिवारी (तिवारी आमा)लाई अर्पण गरिएको छ । उहाँलाई सम्मान पत्रका साथ नगद राशि २० हजार एक रुपैयाँ पनि अर्पण गरिएको थियो ।
मंगलबार काठमाडौंमा आयोजित कार्यक्रमकी प्रमुख अथिति अग्रज कथाकार भागीरथी श्रेष्ठले तिवारीलाई सम्मानित गर्नुभएको थियो । समाजकी संस्थापक पुष्पा खनालले आमाको नाममा सम्मानको स्थापना गरेर आफ्नी आमाकै सम्मान गरेको उल्लेख गर्दै हरेक छोराछोरीले आमाबाबुको यसैगरी सम्मान गर्नुपर्ने धारणा राख्नुभयो ।
सो अवसरमा साहित्यकार पवन आलोकले सम्मानका संस्थापक पुष्पा खनालको प्रशंसा गर्दै ०७५ सालदेखि यो सम्मान प्रदान गरिँदै आइएको जानकारी गराउनुभयो । सम्मानित व्यक्तित्व लक्ष्मी तिवारीले पाल्पाका केही लोकभाका र श्लोकहरू वाचन गर्नुभएको थियो ।
डा.शान्तिमाया गिरीले सम्मानित स्रष्टाको परिचय दिँदै ओझेलमा परेका नारी स्रष्टाको खोजी गरेर तिनलाई यो सम्मान प्रदान गरिँदै आइएको बताउनुभयो । श्रीओम श्रेष्ठ रोदनले खनालको यो कार्य स्तुत्य रहेको उल्लेख गर्दै सम्मानका विषयमा चर्चा गर्नुभएको थियो । उक्त कार्यक्रममा गीतकार पुष्पा खनालद्वारा लिखित दुई गीतको म्युजिक भिडियोसमेत सार्वजनिक गरिएको थियो ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच