नेपालगञ्ज । बाँकेको कोहलपुरमा अन्तर डोजोस्तरीय गोजु-रियो कराँते प्रतियोगिता-२०८२ हुने भएको छ । नेपाल गोजु–रियो कराँते डो संघ बाँकेको आयोजनामा आज(शुक्रबार) बाट कोहलपुर-३ जनता मावि मैटहवामा प्रतियोगिता सञ्चालन हुने भएको हो । संघले बाँके, बर्दिया, दाङ र कैलाली गरी चार जिल्लाका १५ टोली सहभागी हुने बताएको छ ।
प्रतियोगितामा २५० देखि तीन सयजना खेलाडीको सहभागिता रहनेछ । प्रतियोगितामा २५ केजीदेखि ६० केजीसम्म महिला र पुरूष सहभागी हुन पाउने भएका छन् । खेलाडीहरूको प्रोत्साहन र खेलप्रति रुचि बढाउने उद्देश्यले प्रतियोगिता आयोजना गरिएको नेपाल गोजु–रियो कराँते डो संघ बाँकेका अध्यक्ष यज्ञ महराले बताउनुभयो ।
उहाँका अनुसार कोहलपुरमा हालसम्म हुने खेलकुद प्रतियोगिता शहरी क्षेत्रमा भइरहेको भन्दै खेलकुद प्रतियोगिताहरू ग्रामीण क्षेत्रमा पनि गर्नुपर्ने ध्येयसहित जनता माविमा प्रतियोगिता आयोजना गर्न लागिएको हो । अन्य खेलहरूको हकमा कराँते खेललाई राज्यले प्राथमिकता नदिएको भन्दै उहाँले दुःखेसो पोख्नुभयो ।
आर्थिक रूपमा कहीँबाट सहयोग नपाएको बताउँदै प्रतियोगिताका खेल संयोजक निमप्रसाद खनालले प्रत्येक खेलाडीबाट चार सय रुपैयाँ प्रवेश शुल्क लिएर प्रतियोगिता सञ्चालन गर्न लागेको जानकारी दिनुभयो । उहाँका अनुसार प्रतियोगितामा प्रथम, द्वितीय र तृतीय हुने खेलाडीहरूलाई नगद पुरस्कारसहित मेडल र प्रमाणपत्र प्रदान गरिनेछ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच