काठमाडौं । नखिपोट युथ क्लब र संकटाले तेस्रो पिल्मो फेमिली कफी क्लब च्यारिटी फुटसल प्रतियोगिताको उपाधि जितेका छन् । नखिपोट पुरुष तथा संकटा महिलामा च्याम्पियन बने । कफी क्लबको आयोजनामा भएको प्रतियोगिताको पुरुष फाइनलमा नखिपोटले वाइबा एफसीलाई सडन डेथ (७-६) मा पराजित गर्यो । निर्धारित समयको खेल १-१ गोलको बराबरीमा टुंगिएको थियो ।
सुनाकोठीस्थित वाखत फुटसलमा भएको महिलाको उपाधि भिडन्तमा संकटाले हलेसीलाई २-१ गोलले हरायो । विजेताकी अभानी सिंह र सोविन्या ढकालले गोल गर्नुभयो । हलेसीकी सविना तामाङले सान्त्वना गोल फर्काउनुभयो ।
दुवै समूहका विजेताले २५ हजार तथा उपविजेताले १२ हजार नगद पुरस्कार प्राप्त गरे । पुरुषमा नखिपोटका गोलरक्षक शैलेन्द्र मगर तथा महिलामा संकटाकी अभानी सिंह प्रतियोगिताकै उत्कृष्ट खेलाडी घोषित हुनुभयो ।
विजेतालाई कफी क्लबका अध्यक्ष शैलेश लिम्बू, क्लबका पूर्वअध्यक्ष प्रेम राई, क्लबका उपाध्यक्ष मनु लिम्बू र कृष्ण मगर, सचिव सुरेश राई, सह-कोषाध्यक्ष रुद्र राई, सदस्य राजाराम अछामी, प्रतियोगिता संयोजक प्रतीत श्रेष्ठलगायतले एक कार्यक्रमबीच पुरस्कृत गरे । नकआउट प्रतियोगिताको पुरुषमा ३१ तथा महिलामा १२ टिम सहभागी थिए ।
समापन कार्यक्रमलाई सम्बोधन गर्दै अध्यक्ष लिम्बूले प्रतियोगिताबाट उठेको रकमको केही प्रतिशत आर्थिक अवस्था कमजोर भएका जेहेन्दार विद्यार्थीलाई छात्रवृत्ति स्वरूप उपलब्ध गराउने बताउँदै प्रतियोगिताका लागि रनिङ शिल्डको व्यवस्था गरिएको बताउनुभयो ।
उहाँले प्रतियोगिताको मुख्य प्रायोजक पिल्मो परिवारका सदस्य बल राई, बौद्ध राई, अस्मिता राई, संगम राई र युमिहाङ राई, विभिन्न संघ संस्था, निजी व्यावसायिक संस्था, व्यक्तिगत रूपमा सहयोग गर्ने सम्पूर्णलाई कफी क्लबका तर्फबाट धन्यवाद दिनुभयो ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
झापामा पुँजीगत खर्च ५१ प्रतिशत
कालीकोटको पलाँता अस्पतालभित्रै डाक्टर र
सर्वोच्चको आदेशले वैशाख ४ को
प्राकृतिक, ऐतिहासिक र शाहसिक पर्यटनको
ललितपुरमा ‘हरित उत्सव : परिवर्तनका
ओमानमा नेपाली उत्पादनको बजार विस्तार