काठमाडौं । वर्ल्डलिंक कम्युनिकेसन्स लिमिटेडले राष्ट्रियस्तरका छजना चर्चित क्रिकेट खेलाडीलाई आफ्नो नयाँ ब्राण्ड एम्बेसडर नियुक्त गरेको छ । कम्पनीले हालै १० लाख घरपरिवारमा इन्टरनेट जडान गर्ने ऐतिहासिक उपलब्धि हासिल गरेको अवसरमा आठ दर्जन ब्राण्ड एम्बेसडर नियुक्त गरेको हो । नयाँ ब्राण्ड एम्बेसडरमा रोहितकुमार पौडेल, सोमपाल कामी, दिपेन्द्र सिंह ऐरी, आसिफ शेख, अनिलकुमार साह र ललित राजवंशी रहेका छन् । उल्लेखित खेलाडीहरूले वल्र्डलिंकको डिजिटल सशक्तीकरण अभियान र नेपाली राष्ट्रिय गौरवसँग जोडिएको यात्रामा सँगै अघि बढ्ने प्रतिबद्धता जनाएका छन् ।
उक्त सम्झौतापत्रमा वल्र्डलिंकका सहसंस्थापक तथा कार्यकारी निर्देशक मनोज अग्रवाल र मुख्य कार्यकारी अधिकृत केशव नेपालले हस्ताक्षर गर्नुभएको कम्पनीले जनाएको छ । नेपालमा पहिलोपटक एउटै कम्पनीले एकैसाथ छजना ब्राण्ड एम्बेसडर अनुबन्धन गर्ने ऐतिहासिक कार्य वल्र्डलिंकले गरेको छ, जसले कम्पनीको खेलप्रतिको समर्पण, राष्ट्रिय गौरव र सामुदायिक विकासमा रहेको प्रतिबद्धता स्पष्ट रूपमा देखाउने कम्पनीको भनाइ छ । कम्पनीका कार्यकारी निर्देशक अग्रवालले भन्नुभयो, ‘यी छजना क्रिकेट खेलाडीहरू प्रतिबद्धता, धैर्य, टिमवर्क र अदम्य राष्ट्रिय भावनाका प्रतीक हुन्, जुन गुणहरू वल्र्डलिंकको दृष्टिकोण र मूल्यसँग पूर्ण रूपमा मेल खान्छ । उनीहरूले लाखौं नेपालीको सपना र आकांक्षाको प्रतिनिधित्व गर्छन् र उनीहरूलाई वल्र्डलिंक परिवारमा स्वागत गर्न पाउँदा हामी गर्वित छौं ।’
छजना खेलाडीले पनि आफ्नो खुसी र उत्साह व्यक्त गर्दै नेपालकै सबैभन्दा ठूलो आइएसपी वल्र्डलिंकले आफूहरूलाई विश्वास गरेर अनुबन्ध गरेकोमा गर्व महसुस भएको बताएका थिए । उनीहरूले वल्र्डलिंकको नवीनता, विश्वसनीयता र सामाजिक प्रतिबद्धतामा विश्वास गर्दै सहकार्यमार्फत् दुवै पक्षका लक्ष्य पूरा गर्न सँगै अगाडि बढ्ने प्रतिबद्धता जनाएका छन् ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
समता शुल्क फिर्ता भएपछि निजी
वडाध्यक्ष सञ्जय पटेल पक्राउ
पूर्व महानिर्देशक प्रदीप अधिकारीविरुद्ध भ्रष्टाचार
गण्डकीमा ट्राफिक कारबाहीबाट डेढ करोडभन्दा
कीर्तिपुरमा कारभित्र जलेर मृत्यु हुने
बिजुलीमा लगाइएको मूल्य अभिवृद्धि कर