काठमाडौं । श्रम, रोजगार तथा सामाजिक सुरक्षामन्त्री शरतसिंह भण्डारीले ज्यालासम्बन्धी ज्ञानको अभावमा श्रमिकहरु देशभित्रै शोषित हुनुपरेको बताउनुभएको छ ।
अखिल नेपाल टे«ड युनियन महासंघद्वारा सोमवार काठमाडौंमा आयोजित ‘पूर्ण कार्यान्वयन श्रम अधिकार, सुमधुर औद्योगिक वातावरणको पहिलो आधार’ विषयक अन्तरक्रिया कार्यक्रममा बोल्दै मन्त्री भण्डारीले यस्तो बताउनुभएको हो ।
उहाँले रोजगारदाताहरुले न्युनतम ज्यालासम्बन्धी सरकारले तोकेको मापदण्ड कार्यान्वयन नगर्दा अनुचित सम्झौता गरेर श्रमिकहरु काम गरिरहेको बताउनु भयो ।
उहाँले नेपालमा न्युनतम तलव १७ हजार रहेको भएपनि अधिकांश मानिसहरु १०, १२ हजारमा हस्ताक्षर गरेर काम गरिराखेको अवस्था रहेकोले यसलाई रोक्नुपर्ने बताउनु भयो ।
उहाँले ज्यालाको समस्या समाधान गर्न एकीकृत सूचना प्रणालीको विकास गर्न जरुरी रहेको बताउनु भयो । उहाँले श्रम बजारमा भइरहेका समस्याहरुको समाधान गर्न टे«ड युनिहरुलाई सक्रिय हुन आग्रह गर्नुभयो । उहाँले आन्तरिक एवं वैदेशिक रोजगारसँग सम्बन्धीत ऐन, कानूनहरुको पूर्ण कार्यान्वयन गर्न सरकार तयार रहेको समेत बताउनु भयो । मन्त्री भण्डारीले श्रमिक र आपुर्तिलाई जोड्न नसक्दा मुलुकमा समस्याहरु बढेको बताउनु भयो ।
उहाँले भन्नुभयो, ‘अहिले न्युनतम पारिश्रमिकको कुराहरु पनि आउँछन् । त्यो कुराहरु मुलुकको अर्थतन्त्र, जिडिपीको आधारमा हुन्छ । हामीले भर्खरै ड्राफ्टमा वर्कसप गर्यौं । अब हामी निरपेक्षताको आधारमा नभई निरपेक्षताको आधारमा काम गर्नेगरी अघि बडेका छौं । यसका लागि हामी काम गरिरहेका छौं । हामीले अब न्युनतममा मात्र नभई हाम्रो जनशक्तिले कसरी अधिकतम तलब पाउनसक्छ त्यसरी हेर्नुपर्छ । हामीले विदेशमा श्रमिक पठाउँदा पनि न्युनतम तलव सोधेर पठाउने कुरा गर्छौ । के त्यो न्याय हो त ? नेपालमा समेत एकीकृत सूचना प्रणालीको विकास गर्नुपर्ने छ । अहिले पनि नेपालमा न्युनतम तलव १७ हजार छ मानिसहरुले १०, १२ हजारमा हस्ताक्षर गरेर काम गरिराखेको अवस्था छ । यसलाई कसरी रोक्ने ? त्यसको लागि टे«ड युनियनहरु पनि सक्रिय हुनुपर्यो । सरकार ऐन र कानूनहरुको कार्यान्वयन गर्न तयार छ ।’
मुलुकको रोजगारदाताहरले आवश्यक पर्ने दक्ष जनशक्ति तयार गर्नको लागि एकद्वार नीति अपनाएर अगाडि बढ्नुको विकल्प नभएको उहाँको भनाइ छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच