काठमाडौं । चलचित्र ‘होस्टेल ३’ले ५१औं दिन मनाएकोछ छ । गत फागुन २३ गतेदेखि प्रदर्शनमा आएको यो चलचित्रले काठमाडौंको न्यूरोडस्थित रञ्जना सिनेमा हलमा लगातार ५१औं दिन पूरा गरेको हो । यस अवसरमा ५१औं दिनको प्रदर्शनको उपलब्धिलाई स्मरणीय बनाउन विशेष कार्यक्रम गर्दै सोमबार चलचित्रका कलाकार तथा युनिटलाई प्रशंसापत्र प्रदान गरिएको छ ।
कार्यक्रममा चलचित्रका कलाकार पारस बम (कुलब्वाय), सिम्रन पन्त, हेना नगरकोटी, आशिष घिमिरे र सन्तोष बानियाँ, केदार घिमिरे, पदम तामाङ, रिहान गिरी, समा पराजुली र उमर खाँनलगायत सहभागी रहनुभएको थियो । निर्देशक सशान कँडेलले शनिबार नै ५१औं दिन पूरा गरे पनि विभिन्न कारणले दुई दिन ढिला गरी कार्यक्रम आयोजना गरिएको बताउनुभयो ।
कार्यक्रममा चलचित्रमा विशेष भूमिका निभाउनुभएका लोकप्रिय कलाकार केदार घिमिरेले ‘होस्टेल ३’मा अभिनय गरेका नयाँ कलाकारहरूको पहिलो चलचित्र नै सफल भएकोमा खुशी व्यक्त गर्दै, आफ्नो छोरा आशिष घिमिरेसहित अन्य कलाकारहरूको सफलताले आफू भावुक बनेको बताउनुभयो ।
चलचित्रमा पारस बम ‘कुलब्वाय’, सिम्रन पन्त, आशिष घिमिरे, पदम तामाङ, हेना नगरकोटी, रिहान गिरी, समा पराजुलीलगायतको मुख्य भूमिका छ । प्रवीण खतिवडाले वार्डेनको भूमिका निभाउनुभएको छ ।
चलचित्रका कार्यकारी निर्माता सुरेश कँडेल, कर्ण कार्की र गोविन्द अधिकारी हुनुहुन्छ भने सहनिर्मातामा शिशिर ज्ञवाली, अनिश सिग्देल, कुन्दन गुप्ता र गणेश मगर रहनुभएको छ । शंकर कोइराला कार्यकारी निर्माता रहनुभएको छ भने कोसिसराज क्षेत्री लाइन प्रोड्युसर हुनुहुन्छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच