काठमाडौं । सफ्टवेयर डेभलपमेन्ट कम्पनी डाइनामिक टेक्नोसफ्ट १६औँ वर्षमा प्रवेश गरेको छ । सो अवसरमा कम्पनीले विशेष १५ प्रतिशत छुट अफरसमेत घोषणा गरेको छ । सन् २०१० मा वीरगञ्जबाट सुरु भएको डाइनामिक टेक्नोसफ्ट हाल नेपाल, भारत र जापानमा गरी २२ सयभन्दा बढी ग्राहकमा पुगेको छ । कम्पनीले शिक्षा, स्वास्थ्य, निर्माण, सेवालगायतका क्षेत्रमा डिजिटल रूपान्तरण सहज बनाउने उद्देश्यले डाइनामिक इआरपी, एकेडेमिक इआरपी, हस्पिटल इआरपी, मेम्बरसिप इआरपीजस्ता अत्याधुनिक सफ्टवेयर विकास तथा विस्तार गर्दै आएको छ । कम्पनीका अनुसार आन्तरिक राजस्व विभागद्वारा प्रमाणित नेपालकै पहिलो इआरपी प्रोभाइडर कम्पनी हो । कम्पनीसँग देशभर ५० भन्दा बढी आधिकारिक डिलर र सयभन्दा बढी प्राविधिक विज्ञको दक्ष टिम रहेको छ ।
डाइनामिकले शिक्षा क्षेत्रमा आठ सयभन्दा बढी विद्यालय र कलेजलाई सेवा दिइरहेको छ भने स्वास्थ्य क्षेत्रमा सयभन्दा बढी अस्पताल तथा मेडिकल कलेजसँग सहकार्य गरिरहेको छ । त्यसबाहेक कम्पनीको इआरपी सोलुसन नेपालका विभिन्न पालिकामा प्रयोग भइरहेको छ । कम्पनीले नेपालभित्र मात्र्र नभई अन्तर्राष्ट्रिय बजारतर्फ पनि आफ्नो पाइला बढाउँदै दुबई, मलेसिया र इण्डोनेसियालगायतका मुलुकमा सेवा विस्तार गर्ने तयारी गरेको छ ।
वार्षिकोत्सवका अवसरमा कम्पनीका संस्थापक एवं प्रमुख कार्यकारी अधिकृत दीपक साहले भन्नुभयो, ‘१५ वर्षको यात्रामा हामीले विश्वास, प्रतिबद्धता र निरन्तर सुधारका माध्यमबाट प्रविधि क्षेत्रमा नयाँ आयाम स्थापित गरेका छौं । ग्राहकप्रति हाम्रो उत्तरदायित्व अझ बलियो बनाउन हामी आगामी दिनमा थप नवीनतम सेवा र समाधान लिएर आउनेछौं ।’
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच