काठमाडौं । यही वैशाख २६ गते शुक्रबारदेखि सिनेमाघरमा आउन लागेको चलचित्र ‘ऊनको स्वीटर’ ट्रेलर सार्वजनिक गरिएको छ । मंगलबार काठमाडौंमा आयोजित पत्रकार सम्मेलनबीच झण्डै चार मिनेटको ट्रेलर सार्वजनिक गरिएको हो । विपिन कार्की र मिरुना मगरको शीर्ष भूमिका रहेको ट्रेलरले कथावस्तु, चरित्र चित्रण र केन्द्रीय द्वन्द्वबारे प्रकाश पार्छ ।
नवीन चौहानको निर्देशन रहेको यो चलचित्रले लेककी गुरुङसेनी युवती र औलको काफ्ले ब्राहृमण युवकबीचको ‘सरल र सहज’ प्रेम सम्बन्ध, त्यसबीचमा आउने जातीय अन्तर्विरोधको कथा प्रस्तुत गरेको छ । सुजन चापागाईं र झुमा लिम्बुको गीतले ट्रेलरलाई मर्मस्पर्शी तुल्याएको छ । कथा र संगीतको संयोजन यसको खास पक्ष देखिन्छ ।
ग्रामिण जीवन बाँचेका, अटोग्राफमा प्रेमका शब्द लेखेर भाव साटासाट गर्ने ९० को दशकको क्षणलाई यो चलचित्रको ट्रेलरले ताजा तुल्याइदिएको छ । त्यो जीवन बाँचेका दर्शकले ‘नोस्टाल्जिक’ महसुस गर्न सक्छन् । चलचित्रको ट्रेलरमा विल्सनविक्रम राई, परीक्षा लिम्बु, सुनिल पोखरेल, एलेक्स पारस, प्रेम सुब्बा, माओत्से गुरुङलगायत कलाकारको झलक पनि छ । आर्टमाण्डुको व्यानरमा निर्माण भएको यो चलचित्रलाई विदेशमा सेभेन सिज इन्टरनेसनल र नेपालमा काफिया फिल्मस्ले वितरण गर्दैछ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच