काठमाडौं । नेपाल पर्यटन बोर्डले नयाँ गन्तव्यको खोजी र प्रचारका लागि युवा पुस्ता जोड्ने उद्देश्यका साथ मंगलबार ‘कनेक्टिङ कन्टेन्ट क्रियटर विथ प्याकेज क्युरेटर’ कार्यक्रम आयोजना गरेको छ । नेपालमा पर्यटन प्रवद्र्धनका लागि नयाँ गन्तव्यको सम्भाव्यता र विशेषता उजागर गर्न युवा पुस्तालाई जोड्ने उद्देश्यले यस्तो कार्यक्रम आयोजना गरिएको बोर्डले जनाएको छ । बोर्डले पर्यटकीय उपज उत्पादनकर्ता र पर्यटन व्यवसायीलाई एउटै थलोमा राखेर नयाँ गन्तव्यको प्रवद्र्धनका लागि प्रोत्साहित गरेको कार्यक्रममा सुदूरपश्चिमको अपि हिमालदेखि सुदूरपूर्वको मुन्धुम ट्रेलसम्म पर्यटकीय गन्तव्यको भिडियो प्रस्तुत गरिएको थियो ।
बोर्डका प्रमुख कार्यकारी अधिकृत दीपकराज जोशीले विद्यमान पर्यटन प्रवद्र्धन र प्रचारमा नयाँ पुस्ता जोडेर प्रविधिको भरपूर उपयोग गर्नुपर्नेमा जोड दिँदै लामो इतिहास भएको पर्यटन क्षेत्रको प्रचार गर्दा पुरानै र सीमित गन्तव्यमात्रै प्रचार भइरहेको बताउनुभयो । पछिल्लो दशकमा विश्वमा पर्यटनको ट्रेन्ड परिवर्तन भइरहेकाले नेपालले पनि नयाँ गन्तव्यको खोजी र प्रचारको नयाँ शैली अवलम्बन गर्नुपर्ने आवश्यकता देखिएको उहाँको भनाइ थियो ।
हाल देशभरबाट विभिन्न समूह र व्यक्तिगत तवरबाट युवा पुस्ताले घुमफिर गर्ने र नयाँ गन्तव्यको खोजी गरिरहेको सन्दर्भ उल्लेख गर्दै जोशीले कन्टेन्ट क्रियटरका रूपमा लागिरहेका युवाले खोजी गरेका दूरदराजका सम्भावना र विशेषतालाई प्रचार र प्रवद्र्धन गरिरहेको बताउनुभएको थियो ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच