काठमाडौं । काठमाडौंमा हालै एउटा अन्तर्राष्ट्रिय सम्मेलन आयोजना गरियो । यातायात क्षेत्रसँग आबद्ध इञ्जिनियरहरूको तेस्रो अन्तर्राष्ट्रिय यातायात सम्मेलनले स्पष्ट सन्देश दिएको छ कि नेपालको यातायात प्रणाली अब सुरक्षित, दिगो, कुशल र प्रत्यासित बन्नैपर्छ । यातायात केवल सवारी होइन, यो आर्थिक विकासको मेरुदण्ड हो । जसले रोजगारी सिर्जना गर्छ, ग्रामीण शहरी एकता कायम राख्छ, व्यापार प्रवद्र्धन गर्छ र क्षेत्रीय सम्पर्क बढाउँछ । तर, आज हामी ट्राफिक जाम, वायु प्रदूषण र सडक दुर्घटनाको चपेटामा परिरहेका छौं । यसको समाधानका लागि दीर्घकालीन सोच आवश्यक छ ।
सडक सुरक्षा अभियन्ता बद्रीप्रकाश ओझाका अनुसार विश्वभर हरेक वर्ष करिब ११.९ लाख मानिस सडक दुर्घटनामा ज्यान गुमाउँछन्, जसबाट विश्वको कुल गार्हस्थ उत्पादन(जिडिपी) को तीन प्रतिशत बराबरको आर्थिक क्षति हुने गरेको छ । नेपालमा मात्र हरेक वर्ष दुई हजार छ सयभन्दा बढी मानिस सडक दुर्घटनाका कारण मारिन्छन् । सडक दुर्घटनाबाट मुलुक लगभग २.५ जिडिपी बराबर आर्थिक क्षति भोग्न बाध्य छ । विशेषगरी युवावर्ग र श्रमिक जनसंख्यामा पर्ने प्रभावले सडक सुरक्षालाई स्वास्थ्य र आर्थिक विकाससँग प्रत्यक्ष जोड्छ ।
सम्मेलनबाट पारित संकल्पहरूले समावेशी र जलवायु प्रतिरोधी यातायातको खाँचो औंल्याएका छन् । पहाडी भूगोल र दूरदराजका बस्तीमा पूर्वाधार विकासका लागि स्थानीय ज्ञान, तथ्यांकमा आधारित योजना र समुदायको सहभागिता अनिवार्य छन् । जलवायु जोखिम मूल्यांकनलाई सडक योजनामा समावेश गर्नु, स्मार्ट प्रविधि प्रयोग गर्दै सडक अवस्था अनुगमन गर्नु र दुर्घटना विवरण डिजिटल प्रणालीबाट संकलन गर्नु जस्ता पहललाई अब प्राथमिकता दिनुपर्छ । उल्लेखित कार्यका लागि संघीय, प्रादेशिक र स्थानीय तहबीचको सहकार्य र पर्याप्त बजेटको सुनिश्चितता जरुरी छ ।
अन्ततः सुरक्षित सडकले ज्यान जोगाउँछ, यात्रा सजिलो बनाउँछ र दिगो भविष्यको मार्गचित्र कोर्छ । अब नीति निर्माताले यी संकल्प कार्यान्वयनमा ल्याउने साहसिक कदम चाल्ने बेला भएको छ । तीन दिन चलेको सम्मेलनमा विभिन्न १६ देशका ४५ अनुसन्धाताले अनुसन्धानात्मक लेखहरू प्रस्तुत गरेका थिए । सम्मेलन नेपाल यातायात इञ्जिनियरहरूको छाता संगठन(सोटेन) ले आयोजना गरेको होे । सम्मेलनको उद्घाटन भौतिक पूर्वाधार तथा यातायातमन्त्री देवेन्द्र दाहालले गर्नुभएको थियो भने समापन राष्ट्रिय योजना आयोगका उपाध्यक्ष प्रा.डा. शिवराज अधिकारीले गर्नुभएको थियो । कार्यक्रममा सडक यातायत तथा शहरी योजनासँग सम्बन्धित विभिन्न निकायका प्रमुख पनि सहभागी थिए । कार्यक्रम अप्रिल ११ देखि १३ सम्म याक एण्ड यति होटलमा आयोजना गरिएको हो ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच