बेइजिङ । तीन चिनियाँ अन्तरिक्षयात्री बुधबार देशको अन्तरिक्ष स्टेसनमा छ महिना बिताएपछि पृथ्वीमा फर्किएको सरकारी मिडिया फुटेजले देखाएको छ । चीन आफूलाई एक प्रमुख अन्तरिक्ष शक्तिका रूपमा स्थापित गर्ने लक्ष्यतर्फ अघि बढिरहेको छ । बेइजिङले हालैका वर्षहरूमा आफ्नो अन्तरिक्ष कार्यक्रममा अर्बौं डलर खर्च गरेको छ र सन् २०३० सम्ममा चन्द्रमामा चालक दल मिसन उडान गर्ने र अन्ततः चन्द्रमाको सतहमा आधार निर्माण गर्ने लक्ष्य राखेको छ ।
यसको पछिल्लो प्रक्षेपणले गतहप्ता तीन अन्तरिक्ष यात्रीलाई टियांगोङ अन्तरिक्ष स्टेसनमा पुर्याएको थियो, जसले शेनझाउ-२० मिसनको सुरुआत गरेको छ । उनीहरूले शेनझाउ-१९ चालक दलका चाई सुझे, सोङ लिङडोङ र वाङ हाओजेको स्थान लिएका छन्, जसको ल्यान्डिङ क्याप्सुल बुधबार उत्तरी इनर मंगोलिया क्षेत्रमा अवतरण गरेको थियो ।
राज्य प्रसारक सिसीटिभीका तस्वीरहरूले क्याप्सुल रातो र सेतो धारीदार प्यारासुटमा जोडिएको क्याप्सुल खैरो मरुभूमिको धुलोको बादलमा छुनुअघि नीलो आकाशबाट तल झरेको देखाएको छ । यसका यात्रीहरूले अक्टोबरदेखि अन्तरिक्ष स्टेसनमा काम गरेका थिए । त्यहाँ उनीहरूले प्रयोगहरू गरे र सबैभन्दा लामो अन्तरिक्ष हिँडाइको नयाँ रेकर्ड कायम गरे ।
चिनियाँ अधिकारीहरूका अनुसार चालक दल मंगलबार फर्कने कार्यक्रम थियो तर अवतरण स्थलमा खराब मौसमका कारण मिसन स्थगित गरिएको थियो । चिनियाँ म्यान्ड स्पेस एजेन्सी (सिएमएसए)का अनुसार प्रक्षेपणको समयमा ३५ वर्षीया वाङ चीनको एकमात्र महिला स्पेसफ्लाइट इञ्जिनियर हुनुहुन्थ्यो । पूर्ववायुसेना पाइलट ४८ वर्षीय कमाण्डर चाईले यसअघि सन् २०२२ मा शेनझाउ-१४ मिसनको हिस्साको रूपमा टियांगोङगमा सेवा गरिसक्नुभएको छ । चौतीस वर्षीय पूर्ववायुसेना पाइलट सोङले चीनमा लोकप्रिय रूपमा ‘टाइकोनट्स’ भनिने अन्तरिक्षयात्रीहरूको समूह पूरा गर्नुभयो । रासस/एएफपी ।
यो खबर पढेर तपाईलाई कस्तो महसुस भयो ?
1
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच