काठमाडौं । नेपाल प्रज्ञा-प्रतिष्ठानले ६८औं वार्षिकोत्सवको अवसरमा राष्ट्रिय कविता महोत्सव-२०८२ आयोजना गर्ने भएको छ । असार ९ गते सम्पन्न हुने यस महोत्सवले कविहरूलाई आफ्नो प्रतिभा प्रदर्शन गर्ने महत्वपूर्ण अवसर प्रदान गर्नेछ ।
प्रतिष्ठानद्वारा जारी गरिएको प्रेस विज्ञप्ति अनुसार, जेठ २० गतेभित्र कविहरूले आफ्ना मौलिक रचनाहरू प्रज्ञा प्रतिष्ठानमा प्रत्यक्ष रूपमा वा इमेलमार्फत पठाउन सक्नुहुनेछ । समावेशीतालाई उच्च प्राथमिकता दिँदै प्रतिष्ठानले नेपालका सबै भाषाका कविताहरू स्वीकार गर्नेछ । तर, मातृभाषामा लेखिएका कविताहरूको नेपाली अनुवाद अनिवार्य गरिएको छ ।
प्रतिष्ठानले उत्कृष्ट १० कविता छनोट गरी प्रत्येक कविलाई ४० हजार नगद रुपैयाँ पुरस्कार र कदरपत्र प्रदान गर्नेछ । यसबाट उत्कृष्ट प्रतिभालाई प्रोत्साहन गर्ने र नेपाली साहित्यको विकासमा योगदान पुर्याउने अपेक्षा गरिएको छ । सहभागी हुन चाहने कविहरूले आफ्नो पूरा नाम, ठेगाना, हालसालै खिचिएको पासपोर्ट साइजको फोटो र सम्पर्क नम्बर अनिवार्य रूपमा पठाउनुपर्नेछ ।
यस महोत्सवमा पूर्णतः मौलिक र यसअघि कुनै पनि माध्यमबाट प्रकाशित नभएका कविताहरूमात्र स्वीकार गरिने प्रतिष्ठानले स्पष्ट पारेको छ । म्याद नाघेका वा तोकिएको मापदण्ड पूरा नगरेका कविताहरू मूल्यांकनमा समावेश नहुने प्रतिष्ठानले जनाएको छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच