काठमाडौं । आइटी कम्पनी माभोरियन सिस्टम्स प्रालिलाई राष्ट्रिय सूचना प्रविधि दिवस पुरस्कार २०८२ प्रदान गरिएको छ । शुक्रबार राष्ट्रिय सूचना प्रविधि दिवसका अवसरमा माभोरियन सिस्टम्सलाई सञ्चार तथा सूचना प्रविधि मन्त्रालयले राष्ट्रिय सूचना प्रविधि पुरस्कार २०८२ प्रदान गरेको हो । नेपालको स्वास्थ्य प्रणालीको डिजिटल रूपान्तरणमा पुर्याएको महत्वपूर्ण योगदानको कदर स्वरूप माभोरियनलाई उक्त पुरस्कार प्रदान गरिएको बताइएको छ ।
२०१६ मा स्थापना भएको माभोरियन सिस्टम्स नेपालको अग्रणी सफ्टवेयर विकास कम्पनी हो, जसले विशेष गरी हस्पिटल म्यानेजमेन्ट इन्फरमेसन सिस्टम र इलेक्ट्रोनिक मेडिकल रेकर्डमा विशेषज्ञता हासिल गरेको छ । स्वास्थ्य प्रणालीलाई डिजिटलाइज गर्ने कम्पनीको प्रमुख उत्पादन डल्फिनमा प्रशासनिक, क्लिनिकल र सञ्चालनसम्बन्धी कार्यलाई एकीकृत गर्दै फार्मेसी र प्रयोगशाला व्यवस्थापन, बिरामी रेकर्ड र स्वास्थ्य बीमा दाबी प्रक्रिया गर्ने सुविधा समावेश छन् ।
डल्फिनले नेपालको स्वास्थ्य सेवालााई डिजिटल बनाउन महत्वपूर्ण भूमिका खेलेको छ, जसले ५० लाखभन्दा बढी बिरामीलाई सेवा प्रदान गरेको छ र १० करोडभन्दा बढी क्लिनिकल रेकर्ड व्यवस्थापन गरेको छ । उक्त प्रणाली नर्भिक इन्टरनेसनल, भरतपुर हस्पिटल र राष्ट्रिय जनस्वास्थ्य प्रयोगशालाजस्ता प्रतिष्ठित स्वास्थ्य संस्थामा प्रयोग भइरहेका कम्पनीले जनाएको छ ।
नेपालबाहेक माभोरियन सिस्टम्सले युरोप, अमेरिका र अष्ट्रेलियामा पनि आफ्नो सफ्टवेयर प्रदान गर्दै आएको छ । कम्पनीको विशेषज्ञता सफ्टवेयर विकास, क्लाउड कम्प्युटिङ, डाटा सेन्टर, नेटवर्किङ, सुरक्षा र प्रणाली एकीकरणमा केन्द्रित छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच