नयाँदिल्ली । दिल्ली क्यापिटलसँगको खेल पानीले अवरुद्ध भएपछि अंक बाँड्दै सनराइजर्स हैदरावाद यो सिजनको इण्डियन प्रिमियर लिग (आइपिएल)बाट बाहिरिएको छ । ११ खेलमा तीन जित, सात हार सहेको हैदरावाद तीन खेल खेल्नुअगाडि नै आइपिएलबाट बाहिरिएको हो । हैदरावादले दिल्लीसँग अंक बाँडेपछि सात अंक बनाएको छ । टोली आठौं स्थानमा पुगेको छ ।
हैदरावादका प्याट कुमिन्सले सुरुवाती तीन ओभरमा नै तीन विकेट लिएको खेलमा दिल्ली १३३ रनमा सीमित भएको थियो । १३४ रनको झिनो लक्ष्य पछ्याएको हैदरावादले वर्षाका कारण ब्याटिङ गर्न नै पाएन । कमिन्सले कुल चार ओभरमा १९ रन खर्चेर तीन विकेट लिनुभयो । जयदेव उनादकदले पनि त्यत्तिकै उत्कृष्ट बलिङ गर्दै चार ओभरमा १३ रन खर्चेर १ विकेट लिनुभएको थियो ।
ADVERTISEMENT
दिल्लीका शीर्ष पाँच ब्याट्सम्यानमध्ये लोकेश राहुलले १० रन जोड्नुभयो । अन्य चार ब्याट्सम्यानले दोहोरो अंकसमेत छुन नसकेको खेलमा दिल्लीले २९ रनमा ५ विकेट गुमाइसकेको थियो । ट्रिस्टियन स्टब्स र आशुतोष शर्माले समान ४१-४१ रन प्रहार गर्नुभयो । स्टब्सले ३६ बलमा चार चौकाको मद्दतमा नटआउट ४१ रन बनाउनुभएको हो । यी दुईजनाले सातौं विकेटका लागि ५६ रनको साझेदारी गरेका थिए ।
हैदरावाद बाहिरिए पनि एक अंक दिल्लीका लागि महत्वपूर्ण साबित हुन सक्नेछ । चार टोलीले १४ अंक प्राप्त गरिसकेका छन् । दिल्लीले ११ खेलमा ६ जित र एक बराबरीबाट १३ अंक जोडेको छ । टोली अझै पनि पाँचौं नम्बरमा छ । तर, अब प्लेअफमा पुग्न दिल्लीले तीनमध्ये दुई खेलमात्र जित्नुपर्नेछ । दिल्ली १७ अंकसहित प्लेअफमा पुग्नेछ । एजेन्सी ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच