आज वि.सं २०८२ वैशाख २५ गते, बिहीबार, ई.स. २०२५ मे ८, तिथि- वैशाख शुक्लपक्ष एकादशी, १४ः११ बजेपछि द्वादशी, उत्तरफाल्गुनी- नक्षत्र, हर्षण- योग, भद्रा- करण, चन्द्रराशि- कन्या, सूर्योदय- ५ः२१, सूर्यास्त- १८ः४१ ।
मेष : आज प्रतिस्पर्धामा सफलता मिल्ने सम्भावना प्रबल छ । पुराना शत्रुहरूको प्रभाव घट्नेछ । स्वास्थ्यमा सुधार देखिनेछ । ऋणमोचन या कानुनी विषयहरूमा प्रगति हुनेछ । सेवामूलक वा प्रशासनिक क्षेत्रमा कार्यरत व्यक्तिले सम्मान प्राप्त गर्न सक्छन् ।
वृष : प्रेम सम्बन्ध र सन्तानसुखमा केही उतारचढाव देखिन सक्छ । सिर्जनात्मक क्षेत्रमा लागेकाहरूका लागि समय उत्साहजनक हुनेछ । अध्ययन वा परीक्षासम्बन्धी प्रयासमा धैर्य आवश्यक छ । भावनाको बहावमा बहनु उचित नहोला ।
मिथुन : मातृ पक्ष वा पारिवारिक विषयमा केही मनमुटावको सम्भावना रहन्छ । घर-गृहस्थीसम्बन्धी निर्णयमा धैर्य आवश्यक छ । मनमा अनावश्यक उद्वेग वा अशान्ति देखिन सक्छ । वाहन वा स्थायी सम्पत्तिमा लगानी गर्दा सावधानी अपनाउनुहोला ।
कर्कट : हिम्मत, आत्मविश्वास र निर्णायक क्षमता बलियो बन्नेछ । दाजुभाइ वा सहकर्मीबाट सहयोग प्राप्त हुनेछ । सञ्चार वा सानातिना यात्राबाट लाभ सम्भव छ । लेखन, प्रस्तुति वा व्यापार प्रवद्र्धनमा सफलता मिल्नेछ ।
सिंह : वाणीमा संयमता राख्न आवश्यक छ, अन्यथा पारिवारिक वा सामाजिक सम्बन्धमा असहजता आइलाग्न सक्छ । आर्थिक पक्ष स्थिर रहनेछ, तर अनावश्यक खर्च बढ्न सक्छ । स्वादमा रुचि बढे पनि स्वास्थ्य सन्तुलनमा ध्यान दिनुहोला ।
कन्या : शरीरमा स्फूर्ति, आत्मबल र आत्मविश्वासमा वृद्धिको संकेत छ । चन्द्रमा स्वगोचरजस्तै प्रभाव दिने भएकाले कार्यसफलता र आत्माभिव्यक्तिको अवसर बढ्नेछ । व्यक्तित्व प्रभावशाली बन्नेछ । तर, अहंकार वा अति भावुकता टार्नु हितकर हुनेछ ।
तुला : मनमा केही अशान्ति र अनावश्यक खर्चले दिन प्रभावित हुन सक्छ । विदेशसम्बन्धी योजना बनाउने समय हो तर निर्णयमा ढिलाइ गर्नु हितकर हुनेछ । मानसिक शान्तिका लागि एकान्त वा ध्यान लाभदायक बन्न सक्छ ।
वृश्चिक : इच्छाहरू पुरा हुने संकेत मिल्दछ । मित्रतामा बल, सामाजिक सञ्जालबाट अवसर, र आय वृद्धिको प्रबल सम्भावना छ । प्रेम, सल्लाह वा साझेदारीबाट लाभ मिल्नेछ ।
धनु : पेशागत क्षेत्रमा सफलता, मान-सम्मान र अग्रसरता दिलाउनेछ । नेतृत्वदायी भूमिकामा पहुँच बढ्न सक्छ । वरिष्ठको सहयोग प्राप्त हुनेछ । कार्यक्षेत्रमा जिम्मेवारी बढे पनि परिणाम उत्साहजनक हुनेछन् ।
मकर : धार्मिक भावना, अध्यात्म र भाग्यमा आस्था बढ्नेछ । यात्रा वा गुरुजनसँगको संवाद लाभदायक बन्न सक्छ । पिताको सहयोग वा मार्गदर्शन प्राप्त हुनेछ । भाग्यले आंशिक साथ दिने समय हो, आत्मबल आवश्यक रहनेछ ।
कुम्भ : अचानक परिवर्तन, गोप्य चिन्ता वा शारीरिक असजिलोले दिन केही चुनौतीपूर्ण देखिन्छ । जोखिमपूर्ण कामबाट टाढा रहनु उपयुक्त हुन्छ । गहिरो ध्यान वा आत्मविश्लेषणबाट सही दिशा प्राप्त हुनसक्छ ।
मीन : वैवाहिक वा व्यावसायिक साझेदारीमा सुदृढता आउनेछ । प्रेममा विश्वास र समर्पण देखिनेछ । सहकार्यबाट सफलताको सम्भावना छ । वार्तालापमा स्पष्टता राख्दा सम्बन्ध अझ बलियो बन्नेछ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच