एजेन्सी । पोप कन्क्लेभले नयाँ पोपको चयन गरेको छ । ६९ वर्षीय रोबर्ट फ्रान्सिस प्रिभोस्ट नयाँ पोप निर्वाचित हुनुभएको हो । उहाँ अमेरिकाबाट पोप बन्ने पहिलो कार्डिनल बन्नुभएको छ । उहाँले आफ्ना लागि पोप लियो-१४ नाम रोज्नुभएको छ । उहाँ १३३ कार्डिनलहरूको दुई तिहाइ बहुमत ८९ मतबाट पोप निर्वाचित हुनुभएको हो । सन् १९०० पछि दुई दिनमा नयाँ पोपको निर्वाचन भएको यो पाँचौंपटक हो । मतदानको दोस्रो दिन रोमन क्याथोलिक चर्चको सिस्टिन चैपलको चिम्नीबाट सेतो धुवाँ निस्किएसँगै, जसले नयाँ पोप चयन भएको संकेत गरेको थियो ।
नयाँ पोप चयन हुनेबित्तिकै भ्याटिकनमा उपस्थित ४५ हजारभन्दा बढी मानिसहरूले ठूलो स्वरमा ताली बजाएर एकअर्कालाई बधाई दिएका थिए । पोप निर्वाचित भएपछि, पोप लियो-१४ ले सेन्ट पिटर बासिलिकाको बाल्कोनीबाट स्पेनी भाषामा सम्बोधन गर्नुभएको थियो । उहाँले मानिसहरूलाई अरूप्रति दया देखाउन र प्रेमका साथ बाँच्न अपिल गर्नुभयो । ‘तपाईंहरू सबैलाई शान्ति मिलोस् । दाजुभाइ तथा दिदीबहिनीहरू, म तपाईंहरूका परिवारहरूलाई, तपाईंहरू सबैलाई, जहाँ भए पनि शान्तिको शुभकामना पठाउन चाहन्छु । तपाईंहरूमा शान्ति रहोस्,’ आफ्नो पहिलो सम्बोधनमा उहाँले भन्नुभयो ।
उहाँलाई पोप फ्रान्सिसको नजिकको सहयोगी मानिन्थ्यो र उहाँको विचारधारा पनि पोप फ्रान्सिससँग मेल खाने बताइएको छ । रोबर्ट प्रेभोस्ट सेन्ट पिटरस्थित गद्दीमा बस्ने २६७औँ सर्वोच्च पादरी हुनुहुन्छ । प्रेभोस्टको जन्म सन् १९५५ मा संयुक्त राज्य अमेरिकाको शिकागोमा भएको थियो । उहाँका आमाबुबा स्पेनी र फ्रान्सेली-इटली मूलका हुनुहुन्थ्यो । प्रेभोस्टले गिर्जाघरमा पादरीको सहायक भएर काम गर्नुभएको थियो । पछि १९८२ मा उहाँ पादरी बन्नुभयो । त्यसको तीन वर्षपछि उहाँ पेरू जानुभयो । तर, बेला-बेलामा आफ्नो गृहनगर फर्किएर उहाँले पादरीको भूमिका निर्वाह गर्नुभएको थियो । उहाँले पेरूको नागरिकता लिनुभएको छ । पेरूमा उहाँलाई सीमान्तकृत समुदायमा काम गर्ने र पुल बनाउन सघाउने व्यक्तिका रूपमा लिइन्छ । पश्चिमोत्तर पेरूस्थित एउटा शहरमा उहाँले स्थानीय इसाई समुदायको नेता र धार्मिक विद्यालयमा शिक्षक बनेर १० वर्ष काम गर्नुभएको थियो ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच