काठमाडौं । एउटै स्टेजमा चार विजेता छानिएका छन् । १४औं ‘लिटिल प्रिन्स एण्ड प्रिन्सेस इन्टरनेशनल २०२५’मा सिनियर र जुनियर बालक र बालिका गरेर चार विजेता छानिएका हुन् । प्रतियोगीतामा जुनियर ब्वाइज एरोस कर्माचार्य, जुनियर गर्ल एरिका गुप्ताले शीर्ष उपाधि जित्दा सिनियर ब्वाईजतर्फ तासी नुर्बु शेर्पा र सिनियर गर्लमा प्रयुषा ढकाल शीर्ष विजेता बन्नुभएको थियो ।
जमलस्थित राष्ट्रिय नाचघरमा शनिबार अबेर साँझ सम्पन्न प्रतियोगितामा जुनियर ब्वाइजतर्फ विपार्थ थापा फस्ट रनर अप, रिदयम थापा सेकेण्ड रनर अप बन्दा सिनियर ब्वाईतर्फ दक्ष तनवर फष्ट रनर अप र आदि चौधरी सेकेण्ड रनर अप हुनुभयो ।
त्यस्तै, प्रतियोगितामा सिनियर गर्लतर्फ वियन्सा गुप्ता फष्ट रनर अफ, जयना थापा सेकेण्ड रनर अप, भियना पौडेल थर्ड रनर अप र देवान्सी आर एल शाह फोर्थ रनर अप चुनिदा जुनयर गर्लतर्फ सुहानी श्रेष्ठ फष्ट रनर अप, निरोसा प्रधान सेकेन्ड रनरअप, सर्हषा टण्डन थर्ड रनर अप र श्रीनिती पराजुली फोर्थ रनर अफ बन्न सफल हुनुभएको थियो ।
विभिन्न तामझामसहित आयोजित कार्यक्रम बालबालिकाको प्रतिभा निखार्दै उनीहरूलाई भविष्य निर्माणमा सक्षम बनाउने उद्देश्यले आयोजना गरिएको आयोजक रेडियन्ट इभेन्ट म्यानेजमेन्ट एजेन्सीका प्रबन्ध निर्देशक, अन्तर्राष्ट्रिय मोडल तथा फेसन कोच राज फैजुले बताउनुभयो । फैजु डेढ दशकदेखि गुणस्तरीय राष्ट्रिय तथा अन्तर्राष्ट्रिय सौन्दर्य प्रतियोगिता आयोजना गर्दै आउनुभएको छ । जुनियरमा २९, सिनियरमा २३ गरेर ५२ केटाकेटी प्रतियोगिताको फाइलनमा रहेका थिए ।
नीलिमा मास्के श्रेष्ठ (संस्थापक/निर्देशक-ब्युटिफुल माइन्ड्स प्रि-स्कुल), मनिषा मुखिया (ईसिए र अंग्रेजी विभाग हेड ड्याफोडिल बोर्डिङ स्कुल), नैना चन्द (प्राइमरी स्कुल कोअडिनेटर-काठमाडौं वल्र्ड स्कुल) अदिता मल्ल-एसोसिएट अफिसर, डिजिटल मार्केटिङ र कन्टेन्ट क्रिएसन (एस स्कुल), आशिष थापा (चिफ अपरेसन अफिसरन-जेभियर इन्टरनेशनल स्कुल) शिरीषरत्न तुलाधर (ब्राण्डिङ र पार्टनरशिप हेड (सिजी लर्निङ), सन्तोष चापागाईं (ईसिए कोअडिनेटर-भ्याली भ्यू स्कुल), सम्झना ढकाल शर्मा (डिपार्टमेन्ट हेड सोशियल साइन्स-मिल्सबेरी स्कुल)लगायत निर्णायक प्रतियोगितामा रहनुभएको थियो ।
७ वर्षदेखि १३ वर्षसम्मका विद्यालय अध्ययनरत बालबालिकाको सहभागिता रहेको प्रतियोगीको कोरियोग्राफी अन्तर्राष्ट्रिय फेसन कोच राज फैजु आफैंले गर्नुभएको थियो भने ड्रेस डिजाइन श्रीषा बैदारले गर्नुभएको थियो । प्रतियोगिताका सबै विजेताले उपाधिको साथमा विभिन्न नगद गिफ्ट र अन्तर्राष्ट्रिय प्रतियोगितामा सहभागी अवसर प्राप्त गरेका छन् ।
यो खबर पढेर तपाईलाई कस्तो महसुस भयो ?
1
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच