काठमाडौं । ओलम्पिकमा सहभागी नेपाली खेलाडीहरू र उनीहरूको प्रदर्शनलाई समेटेर ‘ओलम्पिकमा नेपाल’ पुस्तक विमोचन भएको छ । बुधबार सातदोबाटोमा आयोजित एक कार्यक्रममा राष्ट्रिय खेलकुद परिषद्का सदस्य-सचिव टंकलाल घिसिङ, नेपाल ओलम्पियन संघका अध्यक्ष दीपक विष्ट, ओलम्पियनहरू बैकुण्ठ मानन्धर, जितबहादुर केसी, विष्णुबहादुर सिंहलगायतले पुस्तक विमोचन गर्नुभयो ।
राखेपले ओलम्पिकमा नेपाल सहभागी भएको सन् १९६४ देखि सन् २०२४ सम्मको इतिहास समेटेर पुस्तक प्रकाशन गरेको हो । पारालम्पिक, ग्रिष्मकालीन ओलम्पिक, शीतकालीन ओलम्पिक र युथ ओलम्पिकमा नेपालबाट सहभागी भएका खेलाडीको संक्षिप्त जानकारी तथा उपलब्धि समेटेर पुस्तक प्रकाशन गरिएको जानकारी राखेपका प्रचार शाखा प्रमुख खुशराज दाहालले दिनुभयो ।
ADVERTISEMENT
पेरिस ओलम्पिकलाई केन्द्र बनाएर प्रकाशित भएको पुस्तकमा हालसम्म सहभागी भएका सबै खेलाडीहरूको विवरण पनि समेटिएको छ । यो पुस्तकले नेपाली खेलकुदको इतिहासलाई जिवन्त राख्न सहयोग पु¥याउने जानकारी सदस्य–सचिव घिसिङले दिनुभयो । चारपटकसम्म ओलम्पिकमा सहभागिता जनाउनुभएका बैकुण्ठ मानन्धरले पुस्तकले खेलाडीलाई सबै नागरिकसम्म पु¥याउने बताउनुभयो । कार्यक्रममा ओलम्पियन संघका अध्यक्ष दीपक विष्टले पुस्तक परिषद्को महत्वपूर्ण सम्पत्ति भएको उल्लेख गर्नुभयो ।
गत वर्ष फ्रान्समा भएको पेरिस ओलम्पिक र पारा ओलम्पिकलाई केन्द्रमा राखेर पुस्तक तयार पारिएको छ । नेपालले सन् १९६४ को टोकियो ओलम्पिकदेखि ओलम्पिकमा सहभागिता जनाउन थालेको थियो । त्यसयता ओलम्पिकमा ६ दशक लामो यात्रा तय गरिसकेको नेपालबाट पेरिस पारा ओलम्पिकमा पारा तेक्वान्दो खेलाडी पलेशा गोबर्धनले ऐतिहासिक कांस्य पदक जित्नुभएको थियो ।
यो खबर पढेर तपाईलाई कस्तो महसुस भयो ?
2
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
नाती मेरो साथी
राजनीतिक नेतृत्व अभिभावक बन्ने कि