काठमाडौं । न्युटन र ग्रिनल्याण्ड आठौं बिएनए कप अन्तरविद्यालय बास्केटबल प्रतियोगिताको जुनियर ब्वाइजमा बिहीबार क्वाटरफाइनलमा प्रवेश गरेका छन् । न्युटनले गोल्डेनपिकलाई २८-२७ को झिनो अन्तरले पराजित गर्यो । न्युटनका सविन राईले आठ अंक जोड्नुभयो । ग्रिनल्याण्डले एन्जल्स हार्टलाई २६-२२ ले हरायो । ग्रिनल्याण्डका राहुल तामाङले १० स्कोर गर्नुभयो ।
सोही स्पर्धामा पारामाउन्टले क्यानभास वसन्त ऋतुलाई २५–१८ तथा भ्याली पब्लिकले आयोजक बसुन्धरा नेसनल एकेडेमी (बिएनए) लाई ४७-३५ ले पन्छ्याउँदै क्वाटरफाइनलमा स्थान बनाए । पारामाउन्टका सुशन थापाले पाँच तथा भ्याली पब्लिकका अशोक विकले २३ अंक बटुल्नुभयो ।
क्वाटरफाइनल लालीगुराँस नेसनल एकेडेमी र क्यानभास, पारामाउन्ट र ग्रिनल्याण्ड, भ्याली पब्लिक र गोल्डेनपिक तथा न्युटन र स्किब्सबीच हुनेछ । सिनियर गल्र्समा केभिकेएसएसले बिएनएलाई २४-१८, फेरिल्याण्डले टिआइएलाई २८-२२, ग्रिनल्याण्डले न्युटनलाई २४–१९ र भ्याली पब्लिकले लालीगुराँसलाई ३७-३० ले पन्छ्याउँदै क्वाटरफाइनलमा स्थान पक्का गरे ।
केभिकेएसएसकी रोजी श्रेष्ठले नौ, फेरिल्याण्डकी करुणा बोगटीले १३, ग्रिनल्याण्डकी बिहानी राईले नौ र भ्याली पब्लिककी दृश्य गुरुङले १४ अंक जोड्नुभयो । क्वाटरफाइनलमा ग्रिनल्याण्डले टिआइए, भ्याली पब्लिकले जेबी स्कुल, केभिकेएसएसले लालीगुराँस तथा फेरिल्याण्डले न्युटनविरुद्ध खेल्नेछन् ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच