सुर्खेत । कर्णाली प्रदेशमा हुने भनिएको १०औँ राष्ट्रिय खेलकुद प्रतियोगिताको तत्काल नयाँ मिति तोक्न कर्णाली प्रदेशसभा सदस्यहरूले माग गरेका छन् । संघीय सरकारले पटक-पटक मिति तोक्ने र आफूखुसी स्थगित गर्दा प्रतियोगिता नै अन्योलमा परेको सांसदहरूको भनाइ छ । उनीहरूले अब प्रतियोगिता हुने सुनिश्चित गरेर तत्काल नयाँ मिति तोक्न आग्रह गरेका हुन् । सामाजिक विकासमन्त्री घनश्याम भण्डारी र मन्त्रालयका सचिव अर्जुन गौतमसँग प्रदेशसभाको सामाजिक विकास समितिले आयोजना गरेको छलफलमा सांसदहरूले यस्तो माग गरेका हुन् ।
प्रदेश सरकारले प्रतियोगिताको आयोजक संघीय सरकार र राष्ट्रिय खेलकुद परिषद्सँग समन्वय गरेर तत्काल नयाँ मिति तोक्नुपर्ने सामाजिक विकास समितिका सदस्य रणसिंह परियारले माग गर्नुभयो । प्रतियोगिताको स्थानीय व्यवस्थापन र सह-आयोजक भएको नाताले प्रदेश सरकार चुप लागेर बस्न नहुने उहँको तर्क छ । दशौँ राष्ट्रिय खेलकुद प्रतियोगिता पटक-पटक स्थगित हुँदा खेलाडीहरूमा निराशा बढेको उहाँ बताउनुहुन्छ । प्रदेशसभा सदस्य जुनकिती लामाले प्रतियोगिता स्थगित हुँदा निराश बनेका खेलाडीहरूमा उत्साह थप्ने गरी नयाँ मिति तोक्नुपर्ने बताउनुभयो । प्रतियोगिता नै स्थगित हुँदा खेलाडीहरू निराश बनेको उल्लेख गर्दै प्रतियोगिता हुने, नहुने निश्चित गर्न उहाँको माग छ ।
प्रदेशसभा सदस्य मिलन खड्काले प्रतियोगिता स्थगित हुँदा बनेका खेल पूर्वाधारहरू पनि अलपत्र परेको बताउनुभयो । उपयुक्त समयमा प्रतियोगिता गर्नुको विकल्प नभएको उहाँको भनाइ छ । प्रतियोगितालाई नै लक्षित गरेर बनाइएको प्रदेश रंगशालाको निर्माणको काम पनि हाल रोकिएको छ । झण्डै ९० प्रतिशत काम सकिए पनि बाँकी काम हुन सकेको छैन । सामाजिक विकासमन्त्री घनश्याम भण्डारीले प्रतियोगिताको आयोजक संघीय सरकार भएको भन्दै प्रदेश सरकारले समन्वयमात्र गर्नेबाहेक अन्य विकल्प नभएको बताउनुभयो । यो प्रतियोगिता प्रदेश सरकारका कारण नरोकिएको भन्दै संघीय सरकार आफैंले मिति तोक्ने र स्थगित गर्ने गरेको उहाँले जानकारी गराउनुभयो ।
यही जेठमा हुने भनिएको प्रतियोगिता पनि आधिकारिक रूपमा स्थगित भएको छैन । तर, फेरि नयाँ मिति पनि तोकिएको छैन । यसबारे अधिकार पनि प्रदेश सरकारलाई छैन । जेठमा प्रतियोगिता नहुने निश्चित भए पनि संघीय सरकारले त्यसको आधिकारिक घोषणा गरेको छैन । कर्णाली प्रदेशमा तय गरिएको १०औँ राष्ट्रिय खेलकुद प्रतियोगिता गएको मंसिरमा पूर्वाधार अभाव देखाउँदै चैतमा सारिएको थियो । तर, संघीय सरकारले पुनः जेठमा प्रतियोगिताको मिति घोषणा गरेर हाल स्थगन गरेको छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच