ललितपुर । काठमाडौंमा आयोजित अन्तर्राष्ट्रिय स्तरको राष्ट्रसेवा शक्ति साधना नशामुक्ति शिविर सम्पन्न भएको छ । भगवती मानव कल्याण संगठनले पशुपतिनाथ मन्दिर परिसरमा आयोजना गरेको शिविरमा करिब तीन हजार ५०० व्यक्तिहरू नशामुक्त भएको आयोजक संस्थाले जनाएको छ । नशामुक्तिका लागि उपस्थित सहभागीलाई योगिराज शक्तिपुत्रजी महाराजले शक्तिपातको माध्यमबाट नशामुक्त गर्नुभएको हो ।
भविष्यवक्तासमेत रहनुभएका योगिराज शक्तिपुत्रजी महाराजले शिविरमा भविष्यवाणी गर्दै निकट भविष्यमा भयानक विश्ययुद्ध सुनिश्चित रहेको दाबी गर्नुभयो । युद्धका क्रममा अनेकौं देशको नक्सा बदलिने कयौं देशहरूको अस्तिव विलिन हुने उहाँको ठहर छ । नेपलाको समेत भविष्यवाणी गर्दै उहाँले नेपाल सधैंझैँ स्वाधीन र गौरवशाली रहने दाबी गर्नुभयो । नेपाल र भारत विश्वमै सनातनको सन्देश दिने पवित्र भूमि भएकाले ऋषि पथमा अघि बढ्न साधक तयार गर्नुपर्ने आवश्यकता औल्याउनुभयो ।
शक्तिचेतना जनजागरण शिविरमा शक्तिपुत्रजी महाराजले सहभागीलाई ११ संकल्प गराउनुभयो । जसमा नशा, मांशाहारमुक्त चरित्रवान, चेतनावान बनाउनु, पर्यावरणको रक्षा, गौ रक्षालगायतको संकल्प गराइएको थियो । गलत कर्म गर्ने व्यक्तिलाई कहिल्यै साथ नदिन र आफूसमेत गलत कर्म नगर्न संकल्प गराइएको थियो । नेपाल भ्रष्टाचारका कारण अघि बढ्न नसकेकाले अब भ्रष्टाचार अन्त्यका लागि काम गर्न उहाँले आग्रह गर्नुभयो । हरेक क्षेत्रमा भ्रष्टाचार मौलाउँदै गएकाले नेपालको विकासका लागि सहयोग गर्न भारत सरकारलाई समेत आग्रह गर्नुभयो । नेपाल र भारत सरकार मिलेर संयुक्त रूपमा भ्रष्टाचार उन्मूलनका लागि काम गर्न आग्रह गर्नुभयो ।
यस्तै, शक्तिपुत्र महाराजले आत्मिक परिवर्तनका लागि नेपालीहरूका लागि छुट्टै कुण्डलीनि शक्तिको विशेष साधनाको कार्यक्रम प्रदान गर्ने बताउनुभयो । शक्तिसाधना गराउँदै साधनाको रहस्यका बारे अनुभूतिको यात्रामा अघि बढाउने उहाँले प्रतिबद्धता व्यक्त बताउनुभयो ।
शिविरको प्रथम दिवसमा शिविरको प्रातकालीन समयमा देश विदेशबाट आएका हजारौँ सहभागीहरूले योग ध्यान साधनाको निःशुल्क लाभ प्राप्त गरेका थिए । कार्यक्रमका सहभागीलाई योगाशनका साथै अष्टांग योगका विविध क्रमका बारेमा मार्गदशन गराइएको थियो । पहिलो दिनको योग साधना कार्यक्रमलाई सञ्चालन गर्दै शक्ति स्वरूपा दिदी सन्ध्या शुक्लाले योगको बहुआयमिक लाभको विषयमा प्रकाश पार्नुभयो । योग अभ्यास नगर्ने मानिसहरूले आफ्नो स्वास्थ्यमाथि आफैं खेलवाड गरिरहको भन्दै नियमित समय दिएर रोग अनुरूपका योगासन गर्न सुझाव दिनुभयो । योग शिविरमा भगवती मानव कल्याण संगठनकी केन्द्रीय अध्यक्ष शक्तिस्वरूपा दिदी पुशा शुक्ला एवं पञ्चज्योति शक्तितीर्थ सिद्धाश्रम ट्रष्टकी प्रधान न्यासी ज्योति शुक्लालेसमेत सहभागीलाई मार्ग निर्देशन दिनुभएको थियो
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच