काठमाडौं । आगामी असारको पहिलो साता काठमाडौंमा मिस्टर महानगर बडिबिल्डिङ च्याम्पियनसिप हुने भएको छ । काठमाडौं महानगरपालिका वडा-२२ को आयोजनामा असार ६ र ७ गते मिस्टर महानगर बडिबिल्डिङ च्याम्पियनसिप हुन लागेको हो । यस प्रतियोगितामा काठमाडौं महानगरका ३२ वटै वडामा रहेका स्थायी र अस्थायी रूपमा बसोबास गर्ने खेलाडीले प्रतिस्पर्धा गर्न पाउने भएका छन् ।
काठमाडौं महानगरपालिका वडा-२२ ले पत्रकार सम्मेलन आयोजना गर्दै स्थानीय निकायको सिफारिसका आधारमा महानगरभित्र अस्थायी बसोबास गर्ने खेलाडीको पनि सहभागितामा च्याम्पियनसिप गर्न लागेको जानकारी दिएको हो । प्रतियोगिताका संयोजक ईश्वर श्रेष्ठले यस वडाभित्र अन्तर्राष्ट्रियस्तरमा ख्याति पाएका खेलाडी पनि रहेकाले उनीहरूलाई प्रोत्साहन गर्न यो प्रतियोगिता आयोजना गरिएको बताउनुभयो ।
वडा-२२ का अध्यक्ष चिनिकाजी महर्जनले महानगरमा स्वस्थ नागरिक उत्पादन गर्ने उद्देश्यअनुरूप पहिलोपटक बडिबिल्डिङ प्रतियोगिता आयोजना गरिन लागिएको धारणा राख्नुभयो ।
प्रतियोगितामा पुरुष ५५ केजी, ६० केजी, ६५ केजी, ७० केजी, ७५ केजी र ७५ केजीमाथि तौल समूहमा प्रतिस्पर्धा हुनेछन् । प्रत्येक तौल समूहका विजेता, उपविजेता र तेस्रो हुने खेलाडीले क्रमशः ७५, ५० र २५ हजार रुपैयाँ नगद पुस्कार पाउने आयोजकको भनाइ छ ।
मिस्टर महानगर उपाधि विजेताका लागि सबै तौलको विजेताबीच ओभरल प्रतिस्पर्धा गराइनेछ । मिस्ट महानगरले पाँच लाख रुपैयाँ पाउनेछ । आगामी वर्षदेखि महिला र अन्य स्पर्धा समावेश गरिने पनि संयोजक श्रेष्ठले जानकारी गराउनुभयो ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच