काठमाडौं । रुसले युक्रेनमाथि एकैदिन २७३ ड्रोन प्रहार गरेको छ । यो सन् २०२२ मा पूर्णस्तरको युद्ध सुरु भएयता एकैदिन सबैभन्दा धेरै ड्रोनबाट गरिएको आक्रमण भएको द गार्जियन न्यूजले जनाएको छ । यो आक्रमणमा युक्रेनको राजधानी किभ क्षेत्रकी एक २८ वर्षीया महिला मारिएकी छन् । बालबालिकासहित कम्तीमा तीनजना घाइते भएका छन् ।
युक्रेनी वायुसेनाका अनुसार, यी ड्रोन मुख्यतः किभ, डिनप्रोपेत्रोभ्स्क र डोनेट्स्क क्षेत्रलक्षित थिए । तीमध्ये ८८ ड्रोन खसालिएका थिए । १२८ ड्रोन रडारबाट हराएका जनाइएको छ । यो हमला सन् २०२५ को फेब्रुअरी २३ मा गरिएको २६७ ड्रोन आक्रमणभन्दा ठूलो हो । उक्त आक्रमण युद्धको तेस्रो वार्षिकोत्सवको पूर्वसन्ध्यामा गरिएको थियो ।
यो आक्रमण युक्रेन र रुसबीच २०२२ पछि पहिलोपटक भएको प्रत्यक्ष वार्ताको दुई दिनपश्चात् र अमेरिकी राष्ट्रपति डोनाल्ड ट्रम्प र रुसी राष्ट्रपति भ्लादिमिर पुटिनबीच हुने भएको फोनवार्ताको एक दिनअघि हो ।
युक्रेनी अधिकारीले यो आक्रमणलाई वार्ताको समयमा दबाब सिर्जना गर्न गरिएको हिंसात्मक रणनीति भनेका छन् । राष्ट्रपति भोलोदिमिर जेलेन्स्कीले अन्तर्राष्ट्रिय समुदायलाई रुसमाथि कडा प्रतिबन्ध लगाउन आहृवान गर्नुभएको छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच