काठमाडौं । अमेरिकामा ‘कमेडी दरबार इन अमेरिका’ हुने भएको छ । काठमाडौंमा पत्रकार सम्मेलन गर्दै आर्यन फिल्मस् प्रोडक्सन प्राइभेट लिमिटेडले यसको जानकारी दिएको हो । कम्पनीले शनिबार बिहान ‘कमेडी दरबार’ निर्माता कम्पनी माया इन्टरटेन्मेन्ट स्टुडियोसँग औपचारिक सम्झौता गरेको हो ।
कार्यक्रमका लागि आर्यन फिल्मस्का तर्फबाट सिइओ गोपाल कटुवाल तथा ‘कमेडी दरबार’ निर्माण कम्पनीकी श्रद्धा प्रसाईंले हस्ताक्षर गर्नुभएको थियो । कार्यक्रम सम्झौताको हस्ताक्षरपछि बोल्दै आर्यन फिल्मस्का सिइओ कटुवालले आफ्नो कम्पनीले फिल्म तथा म्युजिक भिडियो निर्माणमा लामोसमयदेखि सक्रिय रहँदै आएको भएपनि अन्तर्राष्ट्रिय स्तरमा पहिलोपटक काम गर्न लागेको बताउँदै अमेरिकाका बढिभन्दा बढी नेपालीका माझमा पुग्ने लक्ष्य राखेको सुनाउनुभयो ।
‘कमेडी दरबार’की निर्देशक श्रद्धा प्रसाईंले आफ्नो कार्यक्रमको अन्तर्राष्ट्रिय यात्रालाई लिएर उत्साहित रहेको सुनाउनुभयो । ‘सेप्टेम्बर अक्टोबरमा ‘कमेडी दरबार इन अमेरिका’ लिएर हामी अमेरिका आउँदैछौं । हामी एकदमै उत्साहित भएर पर्खिरहेका छौँ’, उहाँले भन्नुभयो ।
आर्यन फिल्मसका अध्यक्ष रमेश एमके पौडेलले अमेरिका १० वटा राज्यका १६ स्थानमा कार्यक्रम गर्ने योजना रहेको जानकारी दिनुभयो कार्यक्रम टेक्सास, न्यूयोर्क, ओहायो, मेरिल्याण्ड, भर्जिनिया, क्यालिफोर्निया, कोलोराडो, न्यू जर्सी, फ्लोरिडा र ओक्लोहामामा आयोजना हुनेछ ।
अमेरिकाको कार्यक्रमको व्यवस्थापनका अमेरिका बस्दै आएका नेपाली व्यवसायी तथा समाजसेवी पासाङ लामा जोडिनुभएको छ । लामा सन् २०२० मा रिटेल व्यवसायीमा नम्बर एक अवार्ड पाउन सफल व्यवसायीसमेत हुनुहुन्छ । लामाका अमेरिकाका विभिन्न राज्यमा डेढ सय बढी ग्यास स्टेसन तथा रिटेल स्टोर सञ्चालनमा छन् ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच