काठमाडौं । सांगीतिक अवार्ड नेशनल स्टार म्युजिक भिडियो अवार्डको तेस्रो संस्करण सम्पन्न भएको छ । कलाकार स्वतन्त्र संसार महर्जन अध्यक्ष तथा महाप्रबन्धक रहेको संसार क्रियशन्स नेपालको आयोजनामा काठमाडौंको कमलादीस्थित नेपाल प्रज्ञाप्रतिष्ठानको प्रेक्षालयमा तेस्रो संसार नेशनल स्टार म्युजिक भिडियो अवार्ड सम्पन्न भएको हो ।
बागमती प्रदेसका श्रम, यातायात तथा रोजगार मन्त्री प्रेमभक्त महर्जन प्रमुख अतिथि रहेको सो समारोहमा लेखक, निर्देशक तथा साहित्य अन्वेषक प्रकाश सायमी, नेपालका अग्रज अभिनेताहरू रविन्द्र खड्का, धिरेन शाक्य र सिमान्त उदास, गायिका देविका बन्दना, गीतकारहरू भूषण खरेल, बुद्धवीर लामा, साहित्यकार विक्रमभक्त जोशी, नृत्य निर्देशक भुवनदास श्रेष्ठलगायतको आतिथ्यता रहेको थियो । उक्त नेपालभाषा स्टार म्युजिक भिडियो अवार्डमा ३१ विधाअन्तर्गत १७२ अवार्ड प्रदान गरिएको थियो ।
त्यस्तै, नेपाली तथा नेपालभाषाका गीतसंगीतको क्षेत्र पचासौं वर्षदेखि अनवरत क्रियाशील गायक तथा संगीतकार रत्न बेहासीलाई नगद २५ हजार राशीसहित लाइफटाइम अचिभमेन्ट अवार्ड दिइएको सो समारोहमा अग्रज स्रष्टा पवन जोशीलाई नगद १५ हजासहित मल्टि मिडिया स्टार प्रदान गरिएको थियो ।
अवार्ड कार्यक्रममा नेपालभाषा म्युजिक भिडियोका प्रथम निर्देशक विजयरत्न तुलाधरलाई आधिकारिक सम्मानसहितको अवार्ड प्रदान गरिएको थियो । ललितपुर महानगरपालिका वडा नम्बर १६ का वडा प्रमुख निर्मलरत्न शाक्यले सर्वोत्कृष्ट गीतकार अवार्ड पाउदा काठमाडौं महानगरपालिका–१८ का वडा प्रमुख न्हुछेकाजी महर्जनले गीतकार विधामा नै जुरी अवार्ड प्राप्त गर्नुभएको थियो । बागमती सफाइ अभियानका अभियन्ता गीतकार बागमती भाइ सुन्दरमान श्रेष्ठले गीतकार विधामा नै पिपल्स च्वाइस अवार्ड प्राप्त गर्नुभएको थियो ।
थिथी ३१ विधामा प्रतिस्पर्धात्मक अवार्ड प्रदान गरिएको सो समारोहमा अग्रज कलाकर्मीहरू आशाकाजी थकु, कृष्णभक्त महर्जन, संगीता शाक्य, जुगल डंगोल, रामकृष्ण खडगीलाई संसार तेजबहादुर स्मृति अवार्ड प्रदान गरिएको थियो भने सरस्वती मानन्धर, बुद्ध सायमी, रवि सायमी, अनिल तुलाधर, सुरेन्द्र मानन्धर, निशा देशार र विश्वास बज्राचार्यलाई संसार सप्तरंगी सम्मान प्रदान गरिएको थियो ।
सोही समारोहमा विशेष योगदान सम्मानस्वरूप सोहन मानन्धर, किशोरकुमार शाही, विजय मास्कि मगर, सविना मानन्धर र रूखसाना महर्जनलाई सम्मानित गरिएको थियो भने सामाजिक अभियन्ता राजाराम तण्डुकारलाई संसार फेसबुक प्रोफाइल अवार्ड प्रदान गरिएको थियो । विराजकाजी राजोपाध्याय र प्रमिला सायमिले उदघोषण गरेको सो समारोहमा ललितपुर-२१ का वडा अध्यक्ष रविन्द्र महर्जनले स्वागत मन्तव्य राख्नुभएको थियो । यो अवार्ड संसारकै सबैभन्दा लामो र सबैभन्दा ठूलो दाबी गरिएको छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच