काठमाडौं । नेपालको लोकतान्त्रिक आन्दोलनका एक अजेय सेनानी महेश कोर्मोचाप्रति भावपूर्ण श्रद्धाञ्जलि प्रकट गर्दै उहाँको जन्म गाउँ खिजिदेम्वा गाउँपालिका-३ स्थित खिजिचण्डेश्वरीमा सुनुवार राई परम्परागत विधि अनुरूप संस्कार गरिएको छ । अन्तिम संस्कारपूर्व नेपाली कांग्रेसको झण्डा ओढाएर ओखलढुंगा नेपाली कांग्रेसका सभापति तथा सिद्धिचरण नगरपालिकाका प्रमुख तेजेन्द्र खनाल र केन्द्रीय सदस्य एवं प्रदेश सभा सदस्य प्रदीप सुनुवारले दिवंगत कोर्मोचाप्रति श्रद्धाञ्जलि प्रकट गर्नुभएको थियो । राजधानीबाट हेलिकप्टरमा जन्मगाउँ शव पुर्याइएपछि पारिवारिक सदस्यहरूसहित स्थानीय हजारौं जनताले अश्रूपूर्ण नेत्रले आफ्नो प्रिय नेताप्रति श्रद्धाञ्जलि प्रकट गरेका थिए ।
यही जेठ ३ गते राजधानीको बी एण्ड बी अस्पतालमा ८२ वर्षको उमेरमा दिवंगत नेताको पार्थिव शरीरलाई नेपाली कांग्रेसको केन्द्रीय कार्यालय सानेपामा आइतबार बिहान सभापति तथा पूर्वप्रधानमन्त्री शेरबहादुर देउवा, उपसभापति धनराज गुरुङ, केन्द्रीय सदस्य तथा प्रतिनिधि सभा सांसद डा.शेखर कोइराला, राष्ट्रिय सभामा कांग्रेस संसदीय दलका नेता कृष्णप्रसाद सिटौला, पर्यटन मन्त्री बद्री पाण्डे, कृषि मन्त्री रामनाथ अधिकारी, खेलकुद मन्त्री तेजुलाल चौधरी प्रतिनिधि सभा सुशासन तथा राज्यव्यवस्था समितिका सभापति तथा कांग्रस केन्द्रीय सदस्य रामहरि खतिवडा, ओखलढुंगाका पार्टी पदाधिकारीहरू अजय लुइँटेल, खिलानाथ दाहाल, बालकृष्ण दाहाल, हरि दाहाल, कुमार लुइँटेल, ओखलढुंगा काठमाडौं सम्पर्क समितिका सभापति खिला लुइँटेल, महिला नेतृ अनार बस्नेत, ओखलढुंगासहित सोलु, खोटाङ र राजधानीमा रहेका सञ्चारकर्मीहरूले समेत श्रद्धाञ्जलि अर्पण गर्नुभएको थियो ।
श्रद्धाञ्जलि प्रकट गर्नेहरूमा पूर्वसांसद तथा एमाले नेता यज्ञराज सुनुवार, माओवादीका नेता पेशल खतिवडा, गृहजिल्ला ओखलढुंगा भएका राजधानीमा बसोवास गर्नुहुने विभिन्न पेशा व्यवसाय सम्बद्ध व्यक्तित्वहरू समेतले कोर्मोचाप्रति श्रद्धाञ्जलि प्रकट गर्नुभएको थियो । जिल्ला पार्टीका पूर्वसभापति तथा पूर्वजिविस सभापति कोर्मोचाको निधनमा शोक प्रकट गर्न ओखलढुंगा नेपाली कांग्रेस पार्टीले तीन दिनसम्म पार्टीको झण्डा झुकाउने र १२ दिनसम्म शोक पुस्तिका राख्ने निर्णय गरेको जानकारी पार्टी सचिव अजय लुइँटेलले दिनुभएको छ । यसैबीच, नेपाली कांग्रेस केन्द्रीय कार्यालय र नेपाली कांग्रेस ओखलढुंगा जिल्ला कार्य समितिले एक विज्ञप्ति जारी गर्दै कोर्मोचाको निधनप्रति गहिरो समवेदना व्यक्त गरेको छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
1
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच