काठमाडौं । साहित्यकार वियोगी बुढाथोकीको नियात्राकृति ‘समयले जुटाएको चिटचिट’ सार्वजनिक गरिएको छ । काठमाडौं एक कार्यक्रमबी मंगलबार उक्त कृतिको सार्वजनिक गरिउएको हो । यो उहाँको नियात्रा पाँचौ र साहित्यमा अठारौँ कृति हो । कार्यक्रममा प्रमुख अतिथि नियात्रा समाजका अध्यक्ष मोहन चापागाईंले कृति सार्वजनिक गर्दै वियोगीका नियात्राहरूमा मानवीकरणको सुन्दर सम्मिश्रण रहेको धारणा राख्नुभयो । उहाँले साहित्यकारको व्यक्तित्व उहाँका कृतिमा झल्किने बताउँदै यस कृतिलाई विभिन्न रोचक प्रसंग, कविता तथा गजलहरूले सजिएको उत्कृष्ट कृति भएको जिकिर गर्नुभयो ।
प्रा.कपिल अज्ञातले कृतिमाथि समीक्षात्मक टिप्पणी गर्दै वियोगीका नियात्रामा निजात्मक अनुभूति र सन्देशले भरिएको कुरा उल्लेख गर्नुभयो । अर्का समीक्षक अनुपमा रेग्मीले वियोगीका नियात्रामा अनुभूति र अभिव्यक्तिको गहनतालाई प्रशंसा गर्नुभएको थियो । कृतिकार बुढाथोकीले आफ्नो कृतिको अन्तर्य र लेखकीय मन्तव्य प्रस्तुत गर्नुभएको थियो ।
कार्यक्रममा सर्जक श्रीओम रोदन, प्रोल्लास सिन्धुलीय, भवानी खतिवडा, केशव पराजुली, सोझो गाउँले लगायतले शुभकामना मन्तव्य व्यक्त गर्नुभएको थियो । प्रकाश घायलले सहजीकरण गर्नुभएको कार्यक्रमको अध्यक्षता विष्णुबहादुर सिंहले गर्नुभएको थियो । कार्यक्रमको आयोजना शिवपुरी साहित्य समाज र शिवपुरी सन्देश त्रैमासिकले गरेका थिए । यस नियात्राकृतिलाई भुँडीपुराण प्रकाशनले बजारमा ल्याएको हो ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
समता शुल्क फिर्ता भएपछि निजी
वडाध्यक्ष सञ्जय पटेल पक्राउ
पूर्व महानिर्देशक प्रदीप अधिकारीविरुद्ध भ्रष्टाचार
गण्डकीमा ट्राफिक कारबाहीबाट डेढ करोडभन्दा
कीर्तिपुरमा कारभित्र जलेर मृत्यु हुने
बिजुलीमा लगाइएको मूल्य अभिवृद्धि कर