काठमाडौं । नेपाली बजारमा फेरि एक राइड सेयरिङ प्लाटफर्म थपिएको छ । विश्वव्यापी प्रविधि कम्पनी याङ्गो ग्रुपले नेपालमा पनि राइड सेयरिङ सेवा सुरु गरेको हो । उपाय, दोस्ती, ई–ड्राइभ नेपाललगायत नेपाली कम्पनीसँग मिलेर याङ्गोले मंगलबारदेखि काठमाडौंमा परीक्षण राइड सेवा सुरु गरेको हो । । नेपालमा यसअघि पठाओ र इन्ड्राइभलगायत दर्जन हाराहारी राइड सेयरिङ कम्पनी सञ्चालनमा रहेका छन् ।
नेपाली राइड सेयरिङ बजारको धेरैजसो हिस्सा ओगटेका पठाओ र इन्ड्राइभ दुवै विदेशी कम्पनी हुन् । याङ्गो पनि दुबईमा आधारित विदेशी कम्पनी हो । याङ्गो एप गुगल प्ले र एप स्टोरबाट निःशुल्क डाउनलोड गर्न सकिन्छ । याङ्गो राइडले यात्रुलाई स्थानीय यातायात प्रदायकसँग जोड्दै सेवा प्रदान गर्नेे कम्पनीले जनाएको छ । म्यापिङ, नेभिगेसन प्रणाली र स्मार्ट अर्डर वितरण एल्गोरिदमसहित प्रविधि प्रयोग गरिएको एपले साझेदार चालकहरूलाई किफायती र यात्रुका लागि सहज सेवा दिने याङ्गो राइडका प्रमुख व्यापार अधिकृत अदेनियी अदेबायोले बताउनुभयो । याङ्गोले साझेदारहरूलाई सेवा सञ्चालनमा डिजिटलाइज गर्दै दक्षता अभिवृद्धि गर्न सहयोग गर्ने कम्पनीले जनाएको छ ।
याङ्गो राइडले स्थानीय ट्याक्सी व्यवसायीका लागि पारदर्शिता, दक्षता र मूल्य बढाउन डिजिटल लेखा प्रणाली, फ्लिट व्यवस्थापनलगायतका कार्य गर्ने दोस्ती राइड स्थानीय यातायात कम्पनीका संस्थापक उद्यमी जेनिश श्रेष्ठले बताउनुभयो । याङ्गो समूहले अफ्रिका, ल्याटिन अमेरिका, युरोप, मध्यपूर्व, दक्षिण एसियासहित ३० भन्दा बढी देशमा गतिशीलता, डेलिभरी, फुडटेक, मनोरञ्जनलगायत डिजिटल सेवा प्रदान गर्दै आएको छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
समता शुल्क फिर्ता भएपछि निजी
वडाध्यक्ष सञ्जय पटेल पक्राउ
पूर्व महानिर्देशक प्रदीप अधिकारीविरुद्ध भ्रष्टाचार
गण्डकीमा ट्राफिक कारबाहीबाट डेढ करोडभन्दा
कीर्तिपुरमा कारभित्र जलेर मृत्यु हुने
बिजुलीमा लगाइएको मूल्य अभिवृद्धि कर